بریکنگ نیوز

*منٹو کے افسانے*

IMG-20171108-WA0018.jpg

📚
📌 _افسانہ نمبر: 1_

🖊 *1919 کی ایک بات*

ﯾﮧ 1919 ﺀ ﮐﯽ ﺑﺎﺕ ﮨﮯ ﺑﮭﺎﺋﯽ ﺟﺎﻥ ﺟﺐ ﺭﻭﻟﭧ ﺍﯾﮑﭧ ﮐﮯ ﺧﻼﻑ ﺳﺎﺭﮮ ﭘﻨﺠﺎﺏ ﻣﯿﮟ ﺍﯾﺠﯽ ﭨﯿﺸﻦ ﮨﻮﺭﮨﯽ ﺗﮭﯽ۔ ﻣﯿﮟ ﺍﻣﺮﺗﺴﺮ ﮐﯽ ﺑﺎﺕ ﮐﺮﺭﮨﺎ ﮨﻮﮞ۔ ﺳﺮﻣﺎﺋﯿﮑﻞ ﺍﻭﮈﻭﺍﺋﺮ ﻧﮯ ﮈﯾﻔﻨﺲ ﺁﻑ ﺍﻧﮉﯾﺎ ﺭﻭﻟﺰ ﮐﮯ ﻣﺎﺗﺤﺖ ﮔﺎﻧﺪﮬﯽ ﺟﯽ ﮐﺎ ﺩﺍﺧﻠﮧ ﭘﻨﺠﺎﺏ ﻣﯿﮟ ﺑﻨﺪﮐﺮﺩﯾﺎ ﺗﮭﺎ۔ ﻭﮦ ﺍﺩﮬﺮ ﺁﺭﮨﮯ ﺗﮭﮯ ﮐﮧ ﭘﻠﻮﺍﻝ ﮐﮯ ﻣﻘﺎﻡ ﭘﺮ ﺍﻥ ﮐﻮ ﺭﻭﮎ ﻟﯿﺎ ﮔﯿﺎ ﺍﻭﺭ ﮔﺮﻓﺘﺎﺭ ﮐﺮﮐﮯ ﻭﺍﭘﺲ ﺑﻤﺒﺌﮯ ﺑﮭﯿﺞ ﺩﯾﺎ ﮔﯿﺎ۔ ﺟﮩﺎﮞ ﺗﮏ ﻣﯿﮟ ﺳﻤﺠﮭﺘﺎ ﮨﻮﮞ ﺑﮭﺎﺋﯽ ﺟﺎﻥ ﺍﮔﺮ ﺍﻧﮕﺮﯾﺰ ﯾﮧ ﻏﻠﻄﯽ ﻧﮧ ﮐﺮﺗﺎ ﺗﻮ ﺟﻠﯿﺎﮞ ﻭﺍﻻ ﺑﺎﻍ ﮐﺎ ﺣﺎﺩﺛﮧ ﺍﺱ ﮐﯽ ﺣﮑﻤﺮﺍﻧﯽ ﮐﯽ ﺳﯿﺎﮦ ﺗﺎﺭﯾﺦ ﻣﯿﮟ ﺍﯾﺴﮯ ﺧﻮﻧﯿﮟ ﻭﺭﻕ ﮐﺎ ﺍﺿﺎﻓﮧ ﮐﺒﮭﯽ ﻧﮧ ﮐﺮﺗﺎ۔ ﮐﯿﺎ ﻣﺴﻠﻤﺎﻥ، ﮐﯿﺎ ﮨﻨﺪﻭ، ﮐﯿﺎ ﺳﮑﮫ، ﺳﺐ ﮐﮯ ﺩﻝ ﻣﯿﮟ ﮔﺎﻧﺪﮬﯽ ﺟﯽ ﮐﯽ ﺑﮯ ﺣﺪ ﻋﺰﺕ ﺗﮭﯽ۔ ﺳﺐ ﺍﻧﮭﯿﮟ ﻣﮩﺎﺗﻤﺎ ﻣﺎﻧﺘﮯ ﺗﮭﮯ۔ ﺟﺐ ﺍﻥ ﮐﯽ ﮔﺮﻓﺘﺎﺭﯼ ﮐﯽ ﺧﺒﺮ ﻻﮨﻮﺭ ﭘﮩﻨﭽﯽ ﺗﻮ ﺳﺎﺭﺍ ﮐﺎﺭﻭﺑﺎﺭ ﺍﯾﮏ ﺩﻡ ﺑﻨﺪ ﮨﻮ ﮔﯿﺎ۔ ﯾﮩﺎﮞ ﺳﮯ ﺍﻣﺮﺗﺴﺮ ﻭﺍﻟﻮﮞ ﮐﻮ ﻣﻌﻠﻮﻡ ﮨﻮﺍ، ﭼﻨﺎﻧﭽﮧ ﯾﻮﮞ ﭼﭩﮑﯿﻮﮞ ﻣﯿﮟ ﻣﮑﻤﻞ ﮨﮍﺗﺎﻝ ﮨﻮ ﮔﺌﯽ۔ ﮐﮩﺘﮯ ﮨﯿﮟ ﮐﮧ ﻧﻮ ﺍﭘﺮﯾﻞ ﮐﯽ ﺷﺎﻡ ﮐﻮ ﮈﺍﮐﭩﺮ ﺳﺘﯿﮧ ﭘﺎﻝ ﺍﻭﺭ ﮈﺍﮐﭩﺮ ﮐﭽﻠﻮ ﮐﯽ ﺟﻼ ﻭﻃﻨﯽ ﮐﮯ ﺍﺣﮑﺎﻡ ﮈﭘﭩﯽ ﮐﻤﺸﻨﺮ ﮐﻮ ﻣﻞ ﮔﺌﮯ ﺗﮭﮯ۔ ﻭﮦ ﺍﻥ ﮐﯽ ﺗﻌﻤﯿﻞ ﮐﮯ ﻟﯿﮯ ﺗﯿﺎﺭ ﻧﮩﯿﮟ ﺗﮭﺎ۔ ﺍﺱ ﻟﯿﮯ ﮐﮧ ﺍﺱ ﮐﮯ ﺧﯿﺎﻝ ﮐﮯ ﻣﻄﺎﺑﻖ ﺍﻣﺮﺗﺴﺮ ﻣﯿﮟ ﮐﺴﯽ ﮨﯿﺠﺎﻥ ﺧﯿﺰ ﺑﺎﺕ ﮐﺎ ﺧﻄﺮﮦ ﻧﮩﯿﮟ ﺗﮭﺎ۔ ﻟﻮﮒ ﭘﺮﺍﻣﻦ ﻃﺮﯾﻘﮯ ﭘﺮ ﺍﺣﺘﺠﺎﺟﯽ ﺟﻠﺴﮯ ﻭﻏﯿﺮﮦ ﮐﺮﺗﮯ ﺗﮭﮯ۔ ﺟﻦ ﺳﮯ ﺗﺸﺪﺩ ﮐﺎ ﺳﻮﺍﻝ ﮨﯽ ﭘﯿﺪﺍ ﻧﮩﯿﮟ ﮨﻮﺗﺎ ﺗﮭﺎ۔ ﻣﯿﮟ ﺍﭘﻨﯽ ﺁﻧﮑﮭﻮﮞ ﺩﯾﮑﮭﺎ ﺣﺎﻝ ﺑﯿﺎﻥ ﮐﺮﺗﺎ ﮨﻮﮞ۔ ﻧﻮﮐﻮ ﺭﺍﻡ ﻧﻮﻣﯽ ﺗﮭﺎ۔ ﺟﻠﻮﺱ ﻧﮑﻼ ﻣﮕﺮ ﻣﺠﺎﻝ ﮨﮯ ﺟﻮ ﮐﺴﯽ ﻧﮯ ﺣﮑﺎﻡ ﮐﯽ ﻣﺮﺿﯽ ﮐﮯ ﺧﻼﻑ ﺍﯾﮏ ﻗﺪﻡ ﺍﭨﮭﺎﯾﺎ ﮨﻮ، ﻟﯿﮑﻦ ﺑﮭﺎﺋﯽ ﺟﺎﻥ ﺳﺮﻣﺎﺋﯿﮑﻞ ﻋﺠﺐ ﺍﻭﻧﺪﮬﯽ ﮐﮭﻮﭘﺮﯼ ﮐﺎ ﺍﻧﺴﺎﻥ ﺗﮭﺎ۔ ﺍﺱ ﻧﮯ ﮈﭘﭩﯽ ﮐﻤﺸﻨﺮ ﮐﯽ ﺍﯾﮏ ﻧﮧ ﺳﻨﯽ۔ ﺍﺱ ﭘﺮ ﺑﺲ ﯾﮩﯽ ﺧﻮﻑ ﺳﻮﺍﺭ ﺗﮭﺎ ﮐﮧ ﯾﮧ ﻟﯿﮉﺭ ﻣﮩﺎﺗﻤﺎ ﮔﺎﻧﺪﮬﯽ ﮐﮯ ﺍﺷﺎﺭﮮ ﭘﺮ ﺳﺎﻣﺮﺍﺝ ﮐﺎ ﺗﺨﺘﮧ ﺍﻟﭩﻨﮯ ﮐﮯ ﺩﺭ ﭘﮯ ﮨﯿﮟ، ﺍﻭﺭ ﺟﻮ ﮨﮍﺗﺎﻟﯿﮟ ﮨﻮﺭﮨﯽ ﮨﯿﮟ ﺍﻭﺭ ﺟﻠﺴﮯ ﻣﻨﻌﻘﺪ ﮨﻮﺗﮯ ﮨﯿﮟ ﺍﻥ ﮐﮯ ﭘﺲ ﭘﺮﺩﮦ ﯾﮩﯽ ﺳﺎﺯﺵ ﮐﺎﻡ ﮐﺮﺭﮨﯽ ﮨﮯ۔ ﮈﺍﮐﭩﺮ ﮐﭽﻠﻮ ﺍﻭﺭ ﮈﺍﮐﭩﺮ ﺳﺘﯿﮧ ﭘﺎﻝ ﮐﯽ ﺟﻼ ﻭﻃﻨﯽ ﮐﯽ ﺧﺒﺮ ﺁﻧﺎً ﻓﺎﻧﺎً ﺷﮩﺮ ﻣﯿﮟ ﺁﮒ ﮐﯽ ﻃﺮﺡ ﭘﮭﯿﻞ ﮔﺌﯽ۔ ﺩﻝ ﮨﺮ ﺷﺨﺺ ﮐﺎ ﻣﮑﺪﺭ ﺗﮭﺎ۔ ﮨﺮ ﻭﻗﺖ ﺩﮬﮍﮐﺎ ﺳﺎ ﻟﮕﺎ ﺭﮨﺘﺎ ﺗﮭﺎ ﮐﮧ ﮐﻮﺋﯽ ﺑﮩﺖ ﺑﮍﺍ ﺣﺎﺩﺛﮧ ﺑﺮﭘﺎ ﮨﻮﻧﮯ ﻭﺍﻻ ﮨﮯ، ﻟﯿﮑﻦ ﺑﮭﺎﺋﯽ ﺟﺎﻥ ﺟﻮﺵ ﺑﮩﺖ ﺯﯾﺎﺩﮦ ﺗﮭﺎ۔ ﮐﺎﺭﻭﺑﺎﺭ ﺑﻨﺪ ﺗﮭﮯ۔ ﺷﮩﺮ ﻗﺒﺮﺳﺘﺎﻥ ﺑﻨﺎ ﮨﻮﺍ ﺗﮭﺎ، ﭘﺮ ﺍﺱ ﻗﺒﺮﺳﺘﺎﻥ ﮐﯽ ﺧﺎﻣﻮﺷﯽ ﻣﯿﮟ ﺑﮭﯽ ﺍﯾﮏ ﺷﻮﺭ ﺗﮭﺎ۔ ﺟﺐ ﮈﺍﮐﭩﻮ ﮐﭽﻠﻮ ﺍﻭﺭ ﺳﺘﯿﮧ ﭘﺎﻝ ﮐﯽ ﮔﺮﻓﺘﺎﺭﯼ ﮐﯽ ﺧﺒﺮ ﺁﺋﯽ ﺗﻮ ﻟﻮﮒ ﮨﺰﺍﺭﻭﮞ ﮐﯽ ﺗﻌﺪﺍﺩ ﻣﯿﮟ ﺍﮐﭩﮭﮯ ﮨﻮﺋﮯ ﮐﮧ ﻣﻞ ﮐﺮ ﮈﭘﭩﯽ ﮐﻤﺸﻨﺮ ﺑﮩﺎﺩﺭ ﮐﮯ ﭘﺎﺱ ﺟﺎﺋﯿﮟ ﺍﻭﺭ ﺍﭘﻨﮯ ﻣﺤﺒﻮﺏ ﻟﯿﮉﺭﻭﮞ ﮐﯽ ﺟﻼ ﻭﻃﻨﯽ ﮐﮯ ﺍﺣﮑﺎﻡ ﻣﻨﺴﻮﺥ ﮐﺮﺍﻧﮯ ﮐﯽ ﺩﺭﺧﻮﺍﺳﺖ ﮐﺮﯾﮟ۔ ﻣﮕﺮ ﻭﮦ ﺯﻣﺎﻧﮧ ﺑﮭﺎﺋﯽ ﺟﺎﻥ ﺩﺭﺧﻮﺍﺳﺘﯿﮟ ﺳﻨﻨﮯ ﮐﺎ ﻧﮩﯿﮟ ﺗﮭﺎ۔ ﺳﺮﻣﺎﺋﯿﮑﻞ ﺟﯿﺴﺎ ﻓﺮﻋﻮﻥ ﺣﺎﮐﻢِ ﺍﻋﻠﯽٰ ﺗﮭﺎ۔ ﺍﺱ ﻧﮯ ﺩﺭﺧﻮﺍﺳﺖ ﺳﻨﻨﺎ ﺗﻮ ﮐﺠﺎ ﻟﻮﮔﻮﮞ ﮐﮯ ﺍﺱ ﺍﺟﺘﻤﺎﻉ ﮨﯽ ﮐﻮ ﻏﯿﺮ ﻗﺎﻧﻮﻧﯽ ﻗﺮﺍﺭ ﺩﯾﺎ۔ ﺍﻣﺮﺗﺴﺮ۔ ﻭﮦ ﺍﻣﺮﺗﺴﺮ ﺟﻮ ﮐﺒﮭﯽ ﺁﺯﺍﺩﯼ ﮐﯽ ﺗﺤﺮﯾﮏ ﮐﺎ ﺳﺐ ﺳﮯ ﺑﮍﺍ ﻣﺮﮐﺰ ﺗﮭﺎ۔ ﺟﺲ ﮐﮯ ﺳﯿﻨﮯ ﭘﺮ ﺟﻠﯿﺎﮞ ﻭﺍﻻ ﺑﺎﻍ ﺟﯿﺴﺎ ﻗﺎﺑﻞ ﻓﺨﺮﺯﺧﻢ ﺗﮭﺎ۔ ﺁﺝ ﮐﺲ ﺣﺎﻟﺖ ﻣﯿﮟ ﮨﮯ؟۔ ﻟﯿﮑﻦ ﭼﮭﻮﮌﯾﺌﮯ ﺍﺱ ﻗﺼﮯ ﮐﻮ۔ ﺩﻝ ﮐﻮ ﺑﮩﺖ ﺩﮐﮫ ﮨﻮﺗﺎ ﮨﮯ۔ ﻟﻮﮒ ﮐﮩﺘﮯ ﮨﯿﮟ ﮐﮧ ﺍﺱ ﻣﻘﺪﺱ ﺷﮩﺮ ﻣﯿﮟ ﺟﻮ ﮐﭽﮫ ﺁﺝ ﺳﮯ ﭘﺎﻧﭻ ﺑﺮﺱ ﭘﮩﻠﮯ ﮨﻮﺍ ﺍﺱ ﮐﮯ ﺫﻣﮧ ﺩﺍﺭ ﺑﮭﯽ ﺍﻧﮕﺮﯾﺰ ﮨﯿﮟ۔ ﮨﻮ ﮔﺎ ﺑﮭﺎﺋﯽ ﺟﺎﻥ، ﭘﺮ ﺳﭻ ﭘﻮﭼﮭﺌﮯ ﺗﻮ ﺍﺱ ﻟﮩﻮ ﻣﯿﮟ ﺟﻮ ﻭﮨﺎﮞ ﺑﮩﺎﮨﮯ ﮨﻤﺎﺭﮮ ﺍﭘﻨﮯ ﮨﯽ ﮨﺎﺗﮫ ﺭﻧﮕﮯ ﮨﻮﺋﮯ ﻧﻈﺮ ﺁﺗﮯ ﮨﯿﮟ۔ ﺧﯿﺮ ! ۔ ﮈﭘﭩﯽ ﮐﻤﺸﻨﺮ ﺻﺎﺣﺐ ﮐﺎ ﺑﻨﮕﻠﮧ ﺳﻮﻝ ﻻﺋﻨﺰ ﻣﯿﮟ ﺗﮭﺎ۔ ﮨﺮ ﺑﮍﺍ ﺍﻓﺴﺮ ﺍﻭﺭ ﮨﺮ ﺑﮍﺍ ﭨﻮﮈﯼ ﺷﮩﺮ ﮐﮯ ﺍﺱ ﺍﻟﮓ ﺗﮭﻠﮓ ﺣﺼﮯ ﻣﯿﮟ ﺭﮨﺘﺎ ﺗﮭﺎ۔ ﺁﭖ ﻧﮯ ﺍﻣﺮﺗﺴﺮ ﺩﯾﮑﮭﺎ ﮨﮯ ﺗﻮ ﺁﭖ ﮐﻮ ﻣﻌﻠﻮﻡ ﮨﻮ ﮔﺎ ﮐﮧ ﺷﮩﺮ ﺍﻭﺭ ﺳﻮﻝ ﻻﺋﻨﺰ ﮐﻮ ﻣﻼﻧﮯ ﻭﺍﻻ ﺍﯾﮏ ﭘﻞ ﮨﮯ ﺟﺲ ﭘﺮ ﺳﮯ ﮔﺰﺭ ﮐﺮ ﺁﺩﻣﯽ ﭨﮭﻨﮉﯼ ﺳﮍﮎ ﭘﺮ ﭘﮩﻨﭽﺘﺎ ﮨﮯ۔ ﺟﮩﺎﮞ ﺣﺎﮐﻤﻮﮞ ﻧﮯ ﺍﭘﻨﮯ ﻟﯿﮯ ﯾﮧ ﺍﺭﺿﯽ ﺟﻨﺖ ﺑﻨﺎﺋﯽ ﮨﻮﺋﯽ ﺗﮭﯽ۔ ﮨﺠﻮﻡ ﺟﺐ ﮨﺎﻝ ﺩﺭﻭﺍﺯﮮ ﮐﮯ ﻗﺮﯾﺐ ﭘﮩﻨﭽﺎ ﺗﻮ ﻣﻌﻠﻮﻡ ﮨﻮﺍ ﮐﮧ ﭘﻞ ﭘﺮﮔﮭﮍ ﺳﻮﺍﺭ ﮔﻮﺭﻭﮞ ﮐﺎ ﭘﮩﺮﮦ ﮨﮯ۔ ﮨﺠﻮﻡ ﺑﺎﻟﮑﻞ ﻧﮧ ﺭﮐﺎ ﺍﻭﺭ ﺑﮍﮬﺘﺎ ﮔﯿﺎ۔ ﺑﮭﺎﺋﯽ ﺟﺎﻥ ﻣﯿﮟ ﺍﺱ ﻣﯿﮟ ﺷﺎﻣﻞ ﺗﮭﺎ۔ ﺟﻮﺵ ﮐﺘﻨﺎ ﺗﮭﺎ، ﻣﯿﮟ ﺑﯿﺎﻥ ﻧﮩﯿﮟ ﮐﺮﺳﮑﺘﺎ، ﻟﯿﮑﻦ ﺳﺐ ﻧﮩﺘﮯ ﺗﮭﮯ۔ ﮐﺴﯽ ﮐﮯ ﭘﺎﺱ ﺍﯾﮏ ﻣﻌﻤﻮﻟﯽ ﭼﮭﮍﯼ ﺗﮏ ﺑﮭﯽ ﻧﮩﯿﮟ ﺗﮭﯽ۔ ﺍﺻﻞ ﻣﯿﮟ ﻭﮦ ﺗﻮ ﺻﺮﻑ ﺍﺱ ﻏﺮﺽ ﺳﮯ ﻧﮑﻠﮯ ﺗﮭﮯ ﮐﮧ ﺍﺟﺘﻤﺎﻋﯽ ﻃﻮﺭ ﭘﺮ ﺍﭘﻨﯽ ﺁﻭﺍﺯ ﺣﺎﮐﻢ ﺷﮩﺮ ﺗﮏ ﭘﮩﻨﭽﺎﺋﯿﮟ ﺍﻭﺭ ﺍﺱ ﺳﮯ ﺩﺭﺧﻮﺍﺳﺖ ﮐﺮﯾﮟ ﮐﮧ ﮈﺍﮐﭩﺮ ﮐﭽﻠﻮ ﺍﻭﺭ ﮈﺍﮐﭩﺮ ﺳﺘﯿﮧ ﭘﺎﻝ ﮐﻮ ﻏﯿﺮﻣﺸﺮﻭﻁ ﻃﻮﺭ ﭘﺮ ﺭﮨﺎ ﮐﺮﺩﮮ۔ ﮨﺠﻮﻡ ﭘﻞ ﮐﯽ ﻃﺮﻑ ﺑﮍﮬﺘﺎ ﺭﮨﺎ۔ ﻟﻮﮒ ﻗﺮﯾﺐ ﭘﮩﻨﭽﮯ ﺗﻮ ﮔﻮﺭﻭﮞ ﻧﮯ ﻓﺎﺋﺮ ﺷﺮﻭﻉ ﮐﺮﺩﯾﮯ۔ ﺍﺱ ﺳﮯ ﺑﮭﮕﺪﮌ ﻣﭻ ﮔﺌﯽ۔ ﻭﮦ ﮔﻨﺘﯽ ﻣﯿﮟ ﺻﺮﻑ ﺑﯿﺲ ﭘﭽﯿﺲ ﺗﮭﮯ ﺍﻭﺭ ﮨﺠﻮﻡ ﺳﯿﻨﮑﮍﻭﮞ ﭘﺮ ﻣﺸﺘﻤﻞ ﺗﮭﺎ، ﻟﯿﮑﻦ ﺑﮭﺎﺋﯽ ﮔﻮﻟﯽ ﮐﯽ ﺩﮨﺸﺖ ﺑﮩﺖ ﮨﻮﺗﯽ ﮨﮯ۔ ﺍﯾﺴﯽ ﺍﻓﺮﺍﺗﻔﺮﯼ ﭘﮭﯿﻠﯽ ﮐﮧ ﺍﻻﻣﺎﮞ۔ ﮐﭽﮫ ﮔﻮﻟﯿﻮﮞ ﺳﮯ ﮔﮭﺎﺋﻞ ﮨﻮﺋﮯ ﺍﻭﺭ ﮐﭽﮫ ﺑﮭﮕﺪﮌ ﻣﯿﮟ ﺯﺧﻤﯽ ﮨﻮﺀ۔ ﺩﺍﺋﯿﮟ ﮨﺎﺗﮫ ﮐﻮ ﮔﻨﺪﺍ ﻧﺎﻻ ﺗﮭﺎ۔ ﺩﮬﮑﺎ ﻟﮕﺎ ﺗﻮ ﻣﯿﮟ ﺍﺱ ﻣﯿﮟ ﮔﺮ ﭘﮍﺍ۔ ﮔﻮﻟﯿﺎﮞ ﭼﻠﻨﯽ ﺑﻨﺪ ﮨﻮﺋﯿﮟ ﺗﻮ ﻣﯿﮟ ﻧﮯ ﺍﭨﮫ ﮐﺮ ﺩﯾﮑﮭﺎ۔ ﮨﺠﻮﻡ ﺗﺘﺮ ﺑﺘﺮ ﮨﻮ ﭼﮑﺎ ﺗﮭﺎ۔ ﺯﺧﻤﯽ ﺳﮍﮎ ﭘﺮ ﭘﮍﮮ ﺗﮭﮯ ﺍﻭﺭ ﭘﻞ ﭘﺮ ﮔﻮﺭﮮ ﮐﮭﮍﮮ ﮨﻨﺲ ﺭﮨﮯ ﺗﮭﮯ۔ ﺑﮭﺎﺋﯽ ﺟﺎﻥ ﻣﺠﮭﮯ ﻗﻄﻌﺎً ﯾﺎﺩ ﻧﮩﯿﮟ ﮐﮧ ﺍﺱ ﻭﻗﺖ ﻣﯿﺮﯼ ﺩﻣﺎﻏﯽ ﺣﺎﻟﺖ ﮐﺲ ﻗﺴﻢ ﮐﯽ ﺗﮭﯽ۔ ﻣﯿﺮﺍ ﺧﯿﺎﻝ ﮨﮯ ﮐﮧ ﻣﯿﺮﮮ ﮨﻮﺵ ﻭ ﺣﻮﺍﺱ ﭘﻮﺭﯼ ﻃﺮﺡ ﺳﻼﻣﺖ ﻧﮩﯿﮟ ﺗﮭﮯ۔ ﮔﻨﺪﮮ ﻧﺎﻟﮯ ﻣﯿﮟ ﮔﺮﺗﮯ ﻭﻗﺖ ﺗﻮ ﻗﻄﻌﺎً ﻣﺠﮭﮯ ﮨﻮﺵ ﻧﮩﯿﮟ ﺗﮭﺎ۔ ﺟﺐ ﺑﺎﮨﺮ ﻧﮑﻼ ﺗﻮ ﺟﻮ ﺣﺎﺩﺛﮧ ﻭﻗﻮﻉ ﭘﺬﯾﺮ ﮨﻮﺍ ﺗﮭﺎ، ﺍﺱ ﮐﮯ ﺧﺪﻭﺧﺎﻝ ﺁﮨﺴﺘﮧ ﺁﮨﺴﺘﮧ ﺩﻣﺎﻍ ﻣﯿﮟ ﺍﺑﮭﺮﻧﮯ ﺷﺮﻭﻉ ﮨﻮﺋﮯ۔ ﺩﻭﺭ ﺷﻮﺭ ﮐﯽ ﺁﻭﺍﺯ ﺳﻨﺎﺋﯽ ﺩﮮ ﺭﮨﯽ ﺗﮭﯽ ﺟﯿﺴﮯ ﺑﮩﺖ ﺳﮯ ﻟﻮﮒ ﻏﺼﮯ ﻣﯿﮟ ﭼﯿﺦ ﭼﻼ ﺭﮨﮯ ﮨﯿﮟ۔ ﻣﯿﮟ ﮔﻨﺪﺍ ﻧﺎﻻ ﻋﺒﻮﺭ ﮐﺮﮐﮯ ﻇﺎﮨﺮﺍ ﭘﯿﺮ ﮐﮯ ﺗﮑﯿﮯ ﺳﮯ ﮨﻮﺗﺎ ﮨﻮﺍ ﮨﺎﻝ ﺩﺭﻭﺍﺯﮮ ﮐﮯ ﭘﺎﺱ ﭘﮩﻨﭽﺎ ﺗﻮ ﺩﯾﮑﮭﺎ ﮐﮧ ﺗﯿﺲ ﭼﺎﻟﯿﺲ ﻧﻮﺟﻮﺍﻥ ﺟﻮﺵ ﻣﯿﮟ ﺑﮭﺮﮮ ﭘﺘﮭﺮ ﺍﭨﮭﺎ ﺍﭨﮭﺎ ﮐﺮ ﺩﺭﻭﺍﺯﮮ ﮐﮯ ﮔﮭﮍﯾﺎﻝ ﭘﺮ ﻣﺎﺭ ﺭﮨﮯ ﮨﯿﮟ۔ ﺍﺱ ﮐﺎ ﺷﯿﺸﮧ ﭨﻮﭦ ﮐﺮ ﺳﮍﮎ ﭘﺮﮔﺮﺍ ﺗﻮ ﺍﯾﮏ ﻟﮍﮐﮯ ﻧﮯ ﺑﺎﻗﯿﻮﮞ ﺳﮯ ﮐﮩﺎ۔
’’ ﭼﻠﻮ۔ ﻣﻠﮑﮧ ﮐﺎ ﺑﺖ ﺗﻮﮌﯾﮟ ‘‘!
ﺩﻭﺳﺮﮮ ﻧﮯ ﮐﮩﺎ۔
’’ ﻧﮩﯿﮟ ﯾﺎﺭ۔ ﮐﻮﺗﻮﺍﻟﯽ ﮐﻮ ﺁﮒ ﻟﮕﺎﺋﯿﮟ ‘‘!
ﺗﯿﺴﺮﮮ ﻧﮯ ﮐﮩﺎ۔
’’ ﺍﻭﺭ ﺳﺎﺭﮮ ﺑﯿﻨﮑﻮﮞ ﮐﻮ ﺑﮭﯽ ‘‘!
ﭼﻮﺗﮭﮯ ﻧﮯ ﺍﻥ ﮐﻮ ﺭﻭﮐﺎ۔
’’ ﭨﮭﮩﺮﻭ۔ ﺍﺱ ﺳﮯ ﮐﯿﺎ ﻓﺎﺋﺪﮦ۔ ﭼﻠﻮ ﭘﻞ ﭘﺮ ﺍﻥ ﻟﻮﮔﻮﮞ ﮐﻮ ﻣﺎﺭﯾﮟ۔ ‘‘
ﻣﯿﮟ ﻧﮯ ﺍﺱ ﮐﻮ ﭘﮩﭽﺎﻥ ﻟﯿﺎ۔ ﯾﮧ ﺗﮭﯿﻼ ﮐﻨﺠﺮ ﺗﮭﺎ۔ ﻧﺎﻡ ﻣﺤﻤﺪ ﻃﻔﯿﻞ ﺗﮭﺎ ﻣﮕﺮ ﺗﮭﯿﻼ ﮐﻨﺠﺮ ﮐﮯ ﻧﺎﻡ ﺳﮯ ﻣﺸﮩﻮﺭ ﺗﮭﺎ۔ ﺍﺱ ﻟﯿﮯ ﮐﮧ ﺍﯾﮏ ﻃﻮﺍﺋﻒ ﮐﮯ ﺑﻄﻦ ﺳﮯ ﺗﮭﺎ۔ ﺑﮍﺍ ﺁﻭﺍﺭﮦ ﮔﺮﺩ ﺗﮭﺎ۔ ﭼﮭﻮﭨﯽ ﻋﻤﺮ ﮨﯽ ﻣﯿﮟ ﺍﺱ ﮐﻮ ﺟﻮﺋﮯ ﺍﻭﺭ ﺷﺮﺍﺏ ﻧﻮﺷﯽ ﮐﯽ ﻟﺖ ﭘﮍ ﮔﺌﯽ ﺗﮭﯽ۔ ﺍﺱ ﮎ ﺩﻭ ﺑﮩﻨﯿﮟ ﺷﻤﺸﺎﺩ ﺍﻭﺭ ﺍﻟﻤﺎﺱ ﺍﭘﻨﮯ ﻭﻗﺖ ﮐﯽ ﺣﺴﯿﻦ ﺗﺮﯾﻦ ﻃﻮﺍﺋﻔﯿﮟ ﺗﮭﯿﮟ۔ ﺷﻤﺸﺎﺩ ﮐﺎ ﮔﻼ ﺑﮩﺖ ﺍﭼﮭﺎ ﺗﮭﺎ۔ ﺍﺱ ﮐﺎ ﻣﺠﺮﺍ ﺳﻨﻨﮯ ﮐﮯ ﻟﯿﮯ ﺭﺋﯿﺲ ﺑﮍﯼ ﺑﮍﯼ ﺩﻭﺭ ﺳﮯ ﺁﺗﮯ ﺗﮭﮯ۔ ﺩﻭﻧﻮﮞ ﺍﭘﻨﮯ ﺑﮭﺎﺋﯽ ﮐﮯ ﮐﺮﺗﻮﺗﻮﮞ ﺳﮯ ﺑﮩﺖ ﻧﺎﻻﮞ ﺗﮭﯿﮟ۔ ﺷﮩﺮ ﻣﯿﮟ ﻣﺸﮩﻮﺭ ﺗﮭﺎ ﮐﮧ ﺍﻧﮭﻮﮞ ﻧﮯ ﺍﯾﮏ ﻗﺴﻢ ﮐﺎ ﺍﺱ ﮐﻮ ﻋﺎﻕ ﮐﺮ ﺭﮐﮭﺎ ﮨﮯ۔ ﭘﮭﺮ ﺑﮭﯽ ﻭﮦ ﮐﺴﯽ ﻧﮧ ﮐﺴﯽ ﺣﯿﻠﮯ ﺍﭘﻨﯽ ﺿﺮﻭﺭﯾﺎﺕ ﮐﮯ ﻟﯿﮯ ﺍﻥ ﺳﮯ ﮐﭽﮫ ﻧﮧ ﮐﭽﮫ ﻭﺻﻮﻝ ﮐﺮ ﮨﯽ ﻟﯿﺘﺎ ﺗﮭﺎ۔ ﻭﯾﺴﮯ ﻭﮦ ﺑﮩﺖ ﺧﻮﺵ ﭘﻮﺵ ﺭﮨﺘﺎ ﺗﮭﺎ۔ ﺍﭼﮭﺎ ﮐﮭﺎﺗﺎ ﺗﮭﺎ، ﺍﭼﮭﺎ ﭘﯿﺘﺎ ﺗﮭﺎ۔ ﺑﮍﺍ ﻧﻔﺎﺳﺖ ﭘﺴﻨﺪ ﺗﮭﺎ۔ ﺑﺬﻟﮧ ﺳﻨﺠﯽ ﺍﻭﺭ ﻟﻄﯿﻔﮧ ﮔﻮﺋﯽ ﻣﺰﺍﺝ ﻣﯿﮟ ﮐﻮﭦ ﮐﻮﭦ ﮐﮯ ﺑﮭﺮﯼ ﺗﮭﯽ۔ ﻣﯿﺮﺍﺛﯿﻮﮞ ﺍﻭﺭ ﺑﮭﺎﻧﮉﻭﮞ ﮐﮯ ﺳﻮﻗﯿﺎﻧﮧ ﭘﻦ ﺳﮯ ﺑﮩﺖ ﺩﻭﺭ ﺭﮨﺘﺎ ﺗﮭﺎ۔ ﻟﻤﺒﺎﻗﺪ، ﺑﮭﺮﮮ ﺑﮭﺮﮮ ﮨﺎﺗﮫ ﭘﺎﺅﮞ، ﻣﻀﺒﻮﻁ ﮐﺴﺮﺗﯽ ﺑﺪﻥ۔ ﻧﺎﮎ ﻧﻘﺸﮯ ﮐﺎ ﺑﮭﯽ ﺧﺎﺻﺎ ﺗﮭﺎ۔ ﭘﺮﺟﻮﺵ ﻟﮍﮐﻮﮞ ﻧﮯ ﺍﺱ ﮐﯽ ﺑﺎﺕ ﻧﮧ ﺳﻨﯽ ﺍﻭﺭ ﻣﻠﮑﮧ ﮐﮯ ﺑﺖ ﮐﯽ ﻃﺮﻑ ﭼﻠﻨﮯ ﻟﮕﮯ۔ ﺍﺱ ﻧﮯ ﭘﮭﺮ ﺍﻥ ﺳﮯ ﮐﮩﺎ۔
’’ ﻣﯿﮟ ﻧﮯ ﮐﮩﺎ ﻣﺖ ﺿﺎﺋﻊ ﮐﺮﻭ ﺍﭘﻨﺎ ﺟﻮﺵ۔ ﺍﺩﮬﺮ ﺁﺅ ﻣﯿﺮﮮ ﺳﺎﺗﮫ۔ ﭼﻠﻮ ﺍﻥ ﮐﻮ ﻣﺎﺭﯾﮟ ﺟﻨﮩﻮﮞ ﻧﮯ ﮨﻤﺎﺭﮮ ﺑﮯ ﻗﺼﻮﺭ ﺁﺩﻣﯿﻮﮞ ﮐﯽ ﺟﺎﻥ ﻟﯽ ﮨﮯ ﺍﻭﺭ ﺍﻧﮭﯿﮟ ﺯﺧﻤﯽ ﮐﯿﺎ ﮨﮯ۔ ﺧﺪﺍ ﮐﯽ ﻗﺴﻢ ﮨﻢ ﺳﺐ ﻣﻞ ﮐﺮ ﺍﻥ ﮐﯽ ﮔﺮﺩﻥ ﻣﺮﻭﮌ ﺳﮑﺘﮯ ﮨﯿﮟ۔ ﭼﻠﻮ ‘‘!
ﮐﭽﮫ ﺭﻭﺍﻧﮧ ﮨﻮ ﭼﮑﮯ ﺗﮭﮯ۔ ﺑﺎﻗﯽ ﺭﮎ ﮔﺌﮯ۔ ﺗﮭﯿﻼ ﭘﻞ ﮐﯽ ﻃﺮﻑ ﺑﮍﮬﺎ ﺗﻮ ﺍﺱ ﮐﮯ ﭘﯿﭽﮭﮯ ﭼﻠﻨﮯ ﻟﮕﮯ۔ ﻣﯿﮟ ﻧﮯ ﺳﻮﭼﺎ ﮐﮧ ﻣﺎﺅﮞ ﮐﮯ ﯾﮧ ﻻﻝ ﺑﯿﮑﺎﺭ ﻣﻮﺕ ﮐﮯ ﻣﻨﮧ ﻣﯿﮟ ﺟﺎﺭﮨﮯ ﮨﯿﮟ۔ ﻓﻮﺍﺭﮮ ﮐﮯ ﭘﺎﺱ ﺩﺑﮑﺎ ﮐﮭﮍﺍ ﺗﮭﺎ۔ ﻭﮨﯿﮟ ﻣﯿﮟ ﻧﮯ ﺗﮭﯿﻠﮯ ﮐﻮ ﺁﻭﺍﺯ ﺩﯼ ﺍﻭﺭ ﮐﺎ۔
’’ ﻣﺖ ﺟﺎﺅ ﯾﺎﺭ۔ ﮐﯿﻮﮞ ﺍﭘﻨﯽ ﺍﻭﺭ ﺍﻥ ﮐﯽ ﺟﺎﻥ ﮐﮯ ﭘﯿﭽﮭﮯ ﭘﮍﮮ ﮨﻮ۔ ‘‘
ﺗﮭﯿﻠﮯ ﻧﮯ ﯾﮧ ﺳﻦ ﮐﺮ ﺍﯾﮏ ﻋﺠﯿﺐ ﺳﺎ ﻗﮩﻘﮩﮧ ﺑﻠﻨﺪ ﮐﯿﺎ ﺍﻭﺭ ﻣﺠﮫ ﺳﮯ ﮐﮩﺎ۔
’’ ﺗﮭﯿﻼ ﺻﺮﻑ ﯾﮧ ﺑﺘﺎﻧﮯ ﭼﻼ ﮨﮯ ﮐﮧ ﻭﮦ ﮔﻮﻟﯿﻮﮞ ﺳﮯ ﮈﺭﻧﮯ ﻭﺍﻻ ﻧﮩﯿﮟ۔ ‘‘
ﭘﮭﺮ ﻭﮦ ﺍﭘﻨﮯ ﺳﺎﺗﮭﯿﻮﮞ ﺳﮯ ﻣﺨﺎﻃﺐ ﮨﻮﺍ۔
’’ ﺗﻢ ﮈﺭﺗﮯ ﮨﻮ ﺗﻮ ﻭﺍﭘﺲ ﺟﺎﺳﮑﺘﮯ ﮨﻮ۔ ‘‘
ﺍﯾﺴﮯ ﻣﻮﻗﻌﻮﮞ ﭘﺮ ﺑﮍﮬﮯ ﮨﻮﺋﮯ ﻗﺪﻡ ﺍﻟﭩﮯ ﮐﯿﺴﮯ ﮨﻮﺳﮑﺘﮯ ﮨﯿﮟ۔ ﺍﻭﺭ ﭘﮭﺮ ﻭﮦ ﺑﮭﯽ ﺍﺱ ﻭﻗﺖ ﺟﺐ ﻟﯿﮉﺭ ﺍﭘﻨﯽ ﺟﺎﻥ ﮨﺘﮭﯿﻠﯽ ﭘﺮ ﺭﮐﮫ ﮐﺮ ﺁﮔﮯ ﺁﮔﮯ ﺟﺎﺭﮨﺎ ﮨﻮ۔ ﺗﮭﯿﻠﮯ ﻧﮯ ﻗﺪﻡ ﺗﯿﺰ ﮐﯿﮯ ﺗﻮ ﺍﺱ ﮐﮯ ﺳﺎﺗﮭﯿﻮﮞ ﮐﻮ ﺑﮭﯽ ﮐﺮﻧﮯ ﭘﮍﮮ۔ ﮨﺎﻝ ﺩﺭﻭﺍﺯﮮ ﺳﮯ ﭘﻞ ﮐﺎ ﻓﺎﺻﻠﮧ ﮐﭽﮫ ﺯﯾﺎﺩﮦ ﻧﮩﯿﮟ۔ ﮨﻮ ﮔﺎﮐﻮﺋﯽ ﺳﺎﭨﮫ ﺳﺘﺮ ﮔﺰ ﮐﮯ ﻗﺮﯾﺐ۔ ﺗﮭﯿﻼ ﺳﺐ ﺳﮯ ﺁﮔﮯ ﺁﮔﮯ ﺗﮭﺎ۔ ﺟﮩﺎﮞ ﺳﮯ ﭘﻞ ﮐﺎ ﺩﻭﺭﻭﯾﮧ ﻣﺘﻮﺍﺯﯼ ﺟﻨﮕﻠﮧ ﺷﺮﻭﻉ ﮨﻮﺗﺎ ﮨﮯ، ﻭﮨﺎﮞ ﺳﮯ ﭘﻨﺪﺭﮦ ﺑﯿﺲ ﻗﺪﻡ ﮐﮯ ﻓﺎﺻﻠﮯ ﭘﺮ ﺩﻭ ﮔﮭﮍ ﺳﻮﺍﺭ ﮔﻮﺭﮮ ﮐﮭﮍﮮ ﺗﮭﮯ۔ ﺗﮭﯿﻼ ﻧﻌﺮﮮ ﻟﮕﺎﺗﺎ ﺟﺐ ﺑﻨﮕﻠﮯ ﮐﮯ ﺁﻏﺎﺯ ﮐﮯ ﭘﺎﺱ ﭘﮩﻨﭽﺎ ﺗﻮ ﻓﺎﺋﺮ ﮨﻮﺍ۔ ﻣﯿﮟ ﺳﻤﺠﮭﺎ ﮐﮧ ﻭﮦ ﮔﺮ ﭘﮍﺍ ﮨﮯ۔ ﻟﯿﮑﻦ ﺩﯾﮑﮭﺎ ﮐﮧ ﻭﮦ ﺍﺳﯽ ﻃﺮﺡ۔ ﺯﻧﺪﮦ ﺁﮔﮯ ﺑﮍﮪ ﺭﮨﺎ ﮨﮯ۔ ﺍﺱ ﮐﮯ ﺑﺎﻗﯽ ﺳﺎﺗﮭﯽ ﮈﺭ ﮐﮯ ﺑﮭﺎﮒ ﺍﭨﮭﮯ ﮨﯿﮟ۔ ﻣﮍ ﮐﺮ ﺍﺱ ﻧﮯ ﭘﯿﭽﮭﮯ ﺩﯾﮑﮭﺎ ﺍﻭﺭ ﭼﻼﯾﺎ۔
’’ ﺑﮭﺎﮔﻮ ﻧﮩﯿﮟ۔ ﺁﺅ ‘‘!
ﺍﺱ ﮐﺎ ﻣﻨﮧ ﻣﯿﺮﯼ ﻃﺮﻑ ﺗﮭﺎ ﮐﮧ ﺍﯾﮏ ﺍﻭﺭ ﻓﺎﺋﺮ ﮨﻮﺍ۔ ﭘﻠﭧ ﮐﺮ ﺍﺱ ﻧﮯ ﮔﻮﺭﻭﮞ ﮐﯽ ﻃﺮﻑ ﺩﯾﮑﮭﺎ ﺍﻭﺭ ﭘﯿﭩﮫ ﭘﺮ ﮨﺎﺗﮫ ﭘﮭﯿﺮﺍ۔ ﺑﮭﺎﺋﯽ ﺟﺎﻥ ﻧﻈﺮ ﺗﻮ ﻣﺠﮭﮯ ﮐﭽﮫ ﻧﮩﯿﮟ ﺁﻧﺎ ﭼﺎﮨﯿﮯ ﺗﮭﺎ، ﻣﮕﺮ ﻣﯿﮟ ﻧﮯ ﺩﯾﮑﮭﺎ ﮐﮧ ﺍﺱ ﮐﯽ ﺳﻔﯿﺪ ﺑﻮﺳﮑﯽ ﮐﯽ ﻗﻤﯿﺾ ﭘﺮ ﻻﻝ ﻻﻝ ﺩﮬﺒﮯ ﺗﮭﮯ۔ ﻭﮦ ﺍﻭﺭ ﺗﯿﺰﯼ ﺳﮯ ﺑﮍﮬﺎ، ﺟﯿﺴﮯ ﺯﺧﻤﯽ ﺷﯿﺮ۔ ﺍﯾﮏ ﺍﻭﺭ ﻓﺎﺋﺮ ﮨﻮﺍ۔ ﻭﮦ ﻟﮍﮐﮭﮍﺍﯾﺎ ﻣﮕﺮ ﺍﯾﮏ ﺩﻡ ﻗﺪﻡ ﻣﻀﺒﻮﻁ ﮐﺮﮐﮯ ﻭﮦ ﮔﮭﺮ ﺳﻮﺍﺭ ﮔﻮﺭﮮ ﭘﺮ ﻟﭙﮑﺎ ﺍﻭﺭ ﭼﺸﻢ ﺯﺩﻥ ﻣﯿﮟ ﺟﺎﻧﮯ ﮐﯿﺎ ﮨﻮﺍ۔ ﮔﮭﻮﮌﮮ ﮐﯽ ﭘﯿﭩﮫ ﺧﺎﻟﯽ ﺗﮭﯽ۔ ﮔﻮﺭﺍ ﺯﻣﯿﻦ ﺗﮭﺎ ﺍﻭﺭ ﺗﮭﯿﻼ ﺍﺱ ﮐﮯ ﺍﻭﭘﺮ۔ ﺩﻭﺳﺮﮮ ﮔﻮﺭﮮ ﻧﮯ ﺟﻮ ﻗﺮﯾﺐ ﺗﮭﺎ ﺍﻭﺭ ﭘﮩﻠﮯ ﺑﻮﮐﮭﻼ ﮔﯿﺎ ﺗﮭﺎ، ﺑِﺪﮐﺘﮯ ﮨﻮﺋﮯ ﮔﮭﻮﮌﮮ ﮐﻮ ﺭﻭﮐﺎ ﺍﻭﺭ ﺩﮬﮍﺍ ﺩﮬﮍ ﻓﺎﺋﺮ ﺷﺮﻭﻉ ﮐﺮﺩﯾﮯ۔ ﺍﺱ ﮐﮯ ﺑﻌﺪ ﺟﻮ ﮐﭽﮫ ﮨﻮﺍ ﻣﺠﮭﮯ ﻣﻌﻠﻮﻡ ﻧﮩﯿﮟ۔ ﻣﯿﮟ ﻭﮨﺎﮞ ﻓﻮﺍﺭﮮ ﮐﮯ ﭘﺎﺱ ﺑﮯ ﮨﻮﺵ ﮨﻮ ﮐﺮ ﮔﺮ ﭘﮍﺍ۔ ﺑﮭﺎﺋﯽ ﺟﺎﻥ ﺟﺐ ﻣﺠﮭﮯ ﮨﻮﺵ ﺁﯾﺎ ﺗﻮ ﻣﯿﮟ ﺍﭘﻨﮯ ﮔﮭﺮ ﻣﯿﮟ ﺗﮭﺎ۔ ﭼﻨﺪ ﭘﮩﭽﺎﻥ ﮐﮯ ﺁﺩﻣﯽ ﻣﺠﮭﮯ ﻭﮨﺎﮞ ﺳﮯ ﺍﭨﮭﺎ ﻻﺋﮯ ﺗﮭﮯ۔ ﺍﻥ ﮐﯽ ﺯﺑﺎﻧﯽ ﻣﻌﻠﻮﻡ ﮨﻮﺍ ﮐﮧ ﭘﻞ ﭘﺮ ﺳﮯ ﮔﻮﻟﯿﺎﮞ ﮐﮭﺎ ﮐﺮ ﮨﺠﻮﻡ ﻣﺸﺘﻌﻞ ﮨﻮ ﮔﯿﺎ ﺗﮭﺎ۔ ﻧﺘﯿﺠﮧ ﺍﺱ ﺍﺷﺘﻌﺎﻝ ﮐﺎ ﯾﮧ ﮨﻮﺍ ﮐﮧ ﻣﻠﮑﮧ ﮐﮯ ﺑﺖ ﮐﻮ ﺗﻮﮌﻧﮯ ﮐﯽ ﮐﻮﺷﺶ ﮐﯽ ﮔﺌﯽ۔ ﭨﺎﺅﻥ ﮨﺎﻝ ﺍﻭﺭ ﺗﯿﻦ ﺑﻨﮑﻮﮞ ﮐﻮ ﺁﮒ ﻟﮕﯽ ﺍﻭﺭ ﭘﺎﻧﭻ ﯾﺎ ﭼﮫ ﯾﻮﺭﭘﯿﻦ ﻣﺎﺭﮮ ﮔﺌﮯ۔ ﺧﻮﺏ ﻟﻮﭦ ﻣﭽﯽ۔ ﻟﻮﭦ ﮐﮭﺴﻮﭦ ﮐﺎ ﺍﻧﮕﺮﯾﺰ ﺍﻓﺴﺮﻭﮞ ﮐﻮ ﺍﺗﻨﺎ ﺧﯿﺎﻝ ﻧﮩﯿﮟ ﺗﮭﺎ۔ ﭘﺎﻧﭻ ﯾﺎ ﭼﮫ ﯾﻮﺭﭘﯿﻦ ﮨﻼﮎ ﮨﻮﺋﮯ ﺗﮭﮯ ﺍﺱ ﮐﺎ ﺑﺪﻟﮧ ﻟﯿﻨﮯ ﮐﮯ ﻟﯿﮯ ﭼﻨﺎﻧﭽﮧ ﺟﻠﯿﺎﮞ ﻭﺍﻻ ﺑﺎﻍ ﮐﺎ ﺧﻮﻧﯿﮟ ﺣﺎﺩﺛﮧ ﺭﻭﻧﻤﺎ ﮨﻮﺍ۔ ﮈﭘﭩﯽ ﮐﻤﺸﻨﺮ ﺑﮩﺎﺩﺭ ﻧﮯ ﺷﮩﺮ ﮐﯽ ﺑﺎﮒ ﺩﻭﮌ ﺟﻨﺮﻝ ﮈﺍﺋﺮ ﮐﮯ ﺳﭙﺮﺩ ﮐﺮﺩﯼ۔ ﭼﻨﺎﻧﭽﮧ ﺟﻨﺮﻝ ﺻﺎﺣﺐ ﻧﮯ ﺑﺎﺭﮦ ﺍﭘﺮﯾﻞ ﮐﻮ ﻓﻮﺟﯿﻮﮞ ﮐﮯ ﺳﺎﺗﮫ ﺷﮩﺮ ﮐﮯ ﻣﺨﺘﻠﻒ ﺑﺎﺯﺍﺭﻭﮞ ﻣﯿﮟ ﻣﺎﺭﭺ ﮐﯿﺎ ﺍﻭﺭ ﺩﺭﺟﻨﻮﮞ ﺑﮯ ﮔﻨﺎﮦ ﺁﺩﻣﯽ ﮔﺮﻓﺘﺎﺭ ﮐﯿﮯ۔ ﺗﯿﺮﮦ ﮐﻮ ﺟﻠﯿﺎﮞ ﻭﺍﻻ ﺑﺎﻍ ﻣﯿﮟ ﺟﻠﺴﮧ ﮨﻮﺍ۔ ﻗﺮﯾﺐ ﻗﺮﯾﺐ ﭘﭽﯿﺲ ﮨﺰﺍﺭ ﮐﺎ ﻣﺠﻤﻊ ﺗﮭﺎ۔ ﺷﺎﻡ ﮐﮯ ﻗﺮﯾﺐ ﺟﻨﺮﻝ ﮈﺍﺋﺮ ﻣﺴﻠﺢ ﮔﻮﺭﻭﮞ ﺍﻭﺭ ﺳﮑﮭﻮﮞ ﮐﮯ ﺳﺎﺗﮫ ﻭﮨﺎﮞ ﭘﮩﻨﭽﺎ ﺍﻭﺭ ﻧﮩﺘﮯ ﺁﺩﻣﯿﻮﮞ ﭘﺮ ﮔﻮﻟﯿﻮﮞ ﮐﯽ ﺑﺎﺭﺵ ﺷﺮﻭﻉ ﮐﺮﺩﯼ۔ ﺍﺱ ﻭﻗﺖ ﺗﻮ ﮐﺴﯽ ﮐﻮ ﻧﻘﺼﺎﻥ ﺟﺎﻥ ﮐﺎ ﭨﮭﯿﮏ ﺍﻧﺪﺍﺯﮦ ﻧﮩﯿﮟ ﺗﮭﺎ۔ ﺑﻌﺪ ﻣﯿﮟ ﺟﺐ ﺗﺤﻘﯿﻖ ﮨﻮﺋﯽ ﺗﻮ ﭘﺘﮧ ﭼﻼ ﮐﮧ ﺍﯾﮏ ﮨﺰﺍﺭ ﮨﻼﮎ ﮨﻮﺋﮯ ﮨﯿﮟ ﺍﻭﺭ ﺗﯿﻦ ﯾﺎ ﭼﺎﺭ ﮨﺰﺍﺭ ﮐﮯ ﻗﺮﯾﺐ ﺯﺧﻤﯽ۔ ﻟﯿﮑﻦ ﻣﯿﮟ ﺗﮭﯿﻠﮯ ﮐﯽ ﺑﺎﺕ ﮐﺮﺭﮨﺎ ﺗﮭﺎ۔ ﺑﮭﺎﺋﯽ ﺟﺎﻥ ﺁﻧﮑﮭﻮﮞ ﺩﯾﮑﮭﯽ ﺁﭖ ﮐﻮ ﺑﺘﺎ ﭼﮑﺎ ﮨﻮﮞ۔ ﺑﮯ ﻋﯿﺐ ﺫﺍﺕ ﺧﺪﺍ ﮐﯽ ﮨﮯ۔ ﻣﺮﺣﻮﻡ ﻣﯿﮟ ﭼﺎﺭﻭﮞ ﻋﯿﺐ ﺷﺮﻋﯽ ﺗﮭﮯ۔ ﺍﯾﮏ ﭘﯿﺸﮧ ﻃﻮﺍﺋﻒ ﮐﮯ ﺑﻄﻦ ﺳﮯ ﺗﮭﺎ ﻣﮕﺮ ﺟﯿﺎﻻ ﺗﮭﺎ۔ ﻣﯿﮟ ﺍﺏ ﯾﻘﯿﻦ ﮐﮯ ﺳﺎﺗﮫ ﮐﮩﮧ ﺳﮑﺘﺎ ﮨﻮﮞ ﮐﮧ ﺍﺱ ﻣﻠﻌﻮﻥ ﮔﻮﺭﮮ ﮐﯽ ﭘﮩﻠﯽ ﮔﻮﻟﯽ ﺑﮭﯽ ﺍﺱ ﮐﮯ ﻟﮕﯽ ﺗﮭﯽ۔ ﺁﻭﺍﺯ ﺳﻦ ﮐﺮ ﺍﺱ ﻧﮯ ﺟﺐ ﭘﻠﭧ ﮐﺮ ﺍﭘﻨﮯ ﺳﺎﺗﮭﯿﻮﮞ ﮐﯽ ﻃﺮﻑ ﺩﯾﮑﮭﺎ ﺗﮭﺎ، ﺍﻭﺭ ﺍﻧﮭﯿﮟ ﺣﻮﺻﻠﮧ ﺩﻻﯾﺎ ﺗﮭﺎ ﺟﻮﺵ ﮐﯽ ﺣﺎﻟﺖ ﻣﯿﮟ ﺍﺱ ﮐﻮﻣﻌﻠﻮﻡ ﻧﮩﯿﮟ ﮨﻮﺍ ﺗﮭﺎ ﮐﮧ ﺍﺳﮑﯽ ﭼﮭﺎﺗﯽ ﻣﯿﮟ ﮔﺮﻡ ﮔﺮﻡ ﺳﯿﺴﮧ ﺍﺗﺮ ﭼﮑﺎ ﮨﮯ۔ ﺩﻭﺳﺮﯼ ﮔﻮﻟﯽ ﺍﺱ ﮐﯽ ﭘﯿﭩﮫ ﻣﯿﮟ ﻟﮕﯽ۔ ﺗﯿﺴﺮﯼ ﭘﮭﺮ ﺳﯿﻨﮯ ﻣﯿﮟ۔ ﻣﯿﮟ ﻧﮯ ﺩﯾﮑﮭﺎ ﻧﮩﯿﮟ، ﭘﺮ ﺳﻨﺎ ﮨﮯ ﺟﺐ ﺗﮭﯿﻠﮯ ﮐﯽ ﻻﺵ ﮔﻮﺭﮮ ﺳﮯ ﺟﺪﺍ ﮐﯽ ﮔﺌﯽ ﺗﻮ ﺍﺱ ﮐﮯ ﺩﻭﻧﻮﮞ ﮨﺎﺗﮫ ﺍﺱ ﮐﯽ ﮔﺮﺩﻥ ﻣﯿﮟ ﺍﺱ ﺑﺮﯼ ﻃﺮﺡ ﭘﯿﻮﺳﺖ ﺗﮭﮯ ﮐﮧ ﻋﻠﯿﺤﺪﮦ ﻧﮩﯿﮟ ﮨﻮﺗﮯ ﺗﮭﮯ۔ ﮔﻮﺭﺍ ﺟﮩﻨﻢ ﻭﺍﺻﻞ ﮨﻮ ﭼﮑﺎ ﺗﮭﺎ۔ ﺩﻭﺳﺮﮮ ﺭﻭﺯ ﺟﺐ ﺗﮭﯿﻠﮯ ﮐﯽ ﻻﺵ ﮐﻔﻦ ﺩﻓﻦ ﮐﮯ ﻟﯿﮯ ﺍﺱ ﮐﮯ ﮔﮭﺮ ﻭﺍﻟﻮﮞ ﮐﮯ ﺳﭙﺮﺩ ﮐﯽ ﮔﺌﯽ ﺗﻮ ﺍﺱ ﮐﺎ ﺑﺪﻥ ﮔﻮﻟﯿﻮﮞ ﺳﮯ ﭼﮭﻠﻨﯽ ﮨﻮﺭﮨﺎ ﺗﮭﺎ۔ ﺩﻭﺳﺮﮮ ﮔﻮﺭﮮ ﻧﮯ ﺗﻮ ﺍﭘﻨﺎ ﭘﻮﺭﺍ ﭘﺴﺘﻮﻝ ﺍﺱ ﭘﺮ ﺧﺎﻟﯽ ﮐﺮﺩﯾﺎ ﺗﮭﺎ۔ ﻣﯿﺮﺍ ﺧﯿﺎﻝ ﮨﮯ ﺍﺱ ﻭﻗﺖ ﻣﺮﺣﻮﻡ ﮐﯽ ﺭﻭﺡ ﻗﻔﺲِ ﻋﻨﺼﺮﯼ ﺳﮯ ﭘﺮﻭﺍﺯ ﮐﺮ ﭼﮑﯽ ﺗﮭﯽ۔ ﺍﺱ ﺷﯿﻄﺎﻥ ﮐﮯ ﺑﭽﮯ ﻧﮯ ﺻﺮﻑ ﺍﺱ ﮐﮯ ﻣﺮﺩﮦ ﺟﺴﻢ ﭘﺮ ﭼﺎﻧﺪ ﻣﺎﺭﯼ ﮐﯽ ﺗﮭﯽ۔ ﮐﮩﺘﮯ ﮨﯿﮟ ﺟﺐ ﺗﮭﯿﻠﮯ ﮐﯽ ﻻﺵ ﻣﺤﻠﮯ ﻣﯿﮟ ﭘﮩﻨﭽﯽ ﺗﻮ ﮐﮩﺮﺍﻡ ﻣﭻ ﮔﯿﺎ۔ ﺍﭘﻨﯽ ﺑﺮﺍﺩﺭﯼ ﻣﯿﮟ ﻭﮦ ﺍﺗﻨﺎ ﻣﻘﺒﻮﻝ ﻧﮩﯿﮟ ﺗﮭﺎ، ﻟﯿﮑﻦ ﺍﺱ ﮐﯽ ﻗﯿﻤﮧ ﻗﯿﻤﮧ ﻻﺵ ﺩﯾﮑﮫ ﮐﺮ ﺳﺐ ﺩﮬﺎﮌﯾﮟ ﻣﺎﺭ ﻣﺎﺭ ﮐﺮﺭﻭﻧﮯ ﻟﮕﮯ۔ ﺍﺱ ﮐﯽ ﺑﮩﻨﯿﮟ ﺷﻤﺸﺎﺩ ﺍﻭﺭ ﺍﻟﻤﺎﺱ ﺗﻮ ﺑﮯ ﮨﻮﺵ ﮨﻮ ﮔﺌﯿﮟ۔ ﺟﺐ ﺟﻨﺎﺯﮦ ﺍﭨﮭﺎ ﺗﻮ ﺍﻥ ﺩﻭﻧﻮﮞ ﻧﮯ ﺍﯾﺴﮯ ﺑﯿﻦ ﮐﯿﮯ ﮐﮧ ﺳﻨﻨﮯ ﻭﺍﻟﮯ ﻟﮩﻮ ﮐﮯ ﺁﻧﺴﻮ ﺭﻭﺗﮯ ﺭﮨﮯ۔ ﺑﮭﺎﺋﯽ ﺟﺎﻥ، ﻣﯿﮟ ﻧﮯ ﮐﮩﯿﮟ ﭘﮍﮬﺎ ﺗﮭﺎ ﮐﮧ ﻓﺮﺍﻧﺲ ﮐﮯ ﺍﻧﻘﻼﺏ ﻣﯿﮟ ﭘﮩﻠﯽ ﮔﻮﻟﯽ ﻭﮨﺎﮞ ﮐﯽ ﺍﯾﮏ ﭨﮑﮭﯿﺎﺋﯽ ﮐﮯ ﻟﮕﯽ ﺗﮭﯽ۔ ﻣﺮﺣﻮﻡ ﻣﺤﻤﺪ ﻃﻔﯿﻞ ﺍﯾﮏ ﻃﻮﺍﺋﻒ ﮐﺎ ﻟﮍﮐﺎ ﺗﮭﺎ۔ ﺍﻧﻘﻼﺏ ﮐﯽ ﺍﺱ ﺟﺪﻭﺟﮩﺪ ﻣﯿﮟ ﺍﺱ ﮐﮯ ﺟﻮ ﭘﮩﻠﯽ ﮔﻮﻟﯽ ﻟﮕﯽ ﺗﮭﯽ ﺩﺳﻮﯾﮟ ﺗﮭﯽ ﯾﺎ ﭘﭽﺎﺳﻮﯾﮟ۔ ﺍﺱ ﮐﮯ ﻣﺘﻌﻠﻖ ﮐﺴﯽ ﻧﮯ ﺑﮭﯽ ﺗﺤﻘﯿﻖ ﻧﮩﯿﮟ ﮐﯽ۔ ﺷﺎﯾﺪ ﺍﺱ ﻟﯿﮯ ﮐﮧ ﺳﻮﺳﺎﺋﭩﯽ ﻣﯿﮟ ﺍﺱ ﻏﺮﯾﺐ ﮐﺎ ﮐﻮﺋﯽ ﺭﺗﺒﮧ ﻧﮩﯿﮟ ﺗﮭﺎ۔ ﻣﯿﮟ ﺗﻮ ﺳﻤﺠﮭﺘﺎ ﮨﻮﮞ ﭘﻨﺠﺎﺏ ﮐﮯ ﺍﺱ ﺧﻮﻧﯿﮟ ﻏﺴﻞ ﻣﯿﮟ ﻧﮩﺎﻧﮯ ﻭﺍﻟﻮﮞ ﮐﯽ ﻓﮩﺮﺳﺖ ﻣﯿﮟ ﺗﮭﯿﻠﮯ ﮐﻨﺠﺮ ﮐﺎ ﻧﺎﻡ ﻭ ﻧﺸﺎﻥ ﺗﮏ ﺑﮭﯽ ﻧﮩﯿﮟ ﮨﻮ ﮔﺎ۔ ﺍﻭﺭ ﯾﮧ ﺑﮭﯽ ﮐﻮﺋﯽ ﭘﺘﮧ ﻧﮩﯿﮟ ﮐﮧ ﺍﯾﺴﯽ ﮐﻮﺋﯽ ﻓﮩﺮﺳﺖ ﺗﯿﺎﺭ ﺑﮭﯽ ﮨﻮﺋﯽ ﺗﮭﯽ۔ ﺳﺨﺖ ﮨﻨﮕﺎﻣﯽ ﺩﻥ ﺗﮭﮯ۔ ﻓﻮﺟﯽ ﺣﮑﻮﻣﺖ ﮐﺎ ﺩﻭﺭ ﺩﻭﺭﮦ ﺗﮭﺎ۔ ﻭﮦ ﺩﯾﻮ ﺟﺴﮯ ﻣﺎﺭﺷﻞ ﻻﺀ ﮐﮩﺘﮯ ﮨﯿﮟ۔ ﺷﮩﺮ ﮐﮯ ﮔﻠﯽ ﮔﻠﯽ ﮐﻮﭼﮯ ﮐﻮﭼﮯ ﻣﯿﮟ ﮈﮐﺎﺭﺗﺎ ﭘﮭﺮﺗﺎ ﺗﮭﺎ۔ ﺑﮩﺖ ﺍﻓﺮﺍﺗﻔﺮﯼ ﮐﮯ ﻋﺎﻟﻢ ﻣﯿﮟ ﺍﺱ ﻏﺮﯾﺐ ﮐﻮﺟﻠﺪﯼ ﺟﻠﺪﯼ ﯾﻮﮞ ﺩﻓﻦ ﮐﯿﺎ ﮔﯿﺎ ﺟﯿﺴﮯ ﺍﺱ ﮐﯽ ﻣﻮﺕ ﺍﺱ ﮐﮯ ﺳﻮﮔﻮﺍﺭ ﻋﺰﯾﺰﻭﮞ ﮐﺎ ﺍﯾﮏ ﺳﻨﮕﯿﻦ ﺟﺮﻡ ﺗﮭﯽ ﺟﺲ ﮐﮯ ﻧﺸﺎﻧﺎﺕ ﻭﮦ ﻣﭩﺎ ﺩﯾﻨﺎ ﭼﺎﮨﺘﮯ ﺗﮭﮯ۔ ﺑﺲ ﺑﮭﺎﺋﯽ ﺟﺎﻥ ﺗﮭﯿﻼ ﻣﺮ ﮔﯿﺎ۔ ﺗﮭﯿﻼ ﺩﻓﻨﺎ ﺩﯾﺎ ﮔﯿﺎ ﺍﻭﺭ۔ ﺍﻭﺭ ‘‘
ﯾﮧ ﮐﮩﮧ ﮐﺮ ﻣﯿﺮﺍ ﮨﻢ ﺳﻔﺮ ﭘﮩﻠﯽ ﻣﺮﺗﺒﮧ ﮐﭽﮫ ﮐﮩﺘﮯ ﮐﮩﺘﮯ ﺭﮐﺎ ﺍﻭﺭ ﺧﺎﻣﻮﺵ ﮨﻮ ﮔﯿﺎ۔ ﭨﺮﯾﻦ ﺩﻧﺪﻧﺎﺗﯽ ﮨﻮﺋﯽ ﺟﺎﺭﮨﯽ ﺗﮭﯽ۔ ﭘﭩﮍﯾﻮﮞ ﮐﯽ ﮐﮭﭩﺎ ﮐﮭﭧ ﻧﮯ ﯾﮧ ﮐﮩﻨﺎ ﺷﺮﻭﻉ ﮐﺮﺩﯾﺎ۔
’’ ﺗﮭﯿﻼ ﻣﺮ ﮔﯿﺎ۔ ﺗﮭﯿﻼ ﺩﻓﻨﺎ ﺩﯾﺎ ﮔﯿﺎ۔ ﺗﮭﯿﻼ ﻣﺮ ﮔﯿﺎ۔ ﺗﮭﯿﻼ ﺩﻓﻨﺎ ﺩﯾﺎﮔﯿﺎ۔ ‘‘
ﺍﺱ ﻣﺮﻧﮯ ﺍﻭﺭ ﺩﻓﻨﺎﻧﮯ ﮐﮯ ﺩﺭﻣﯿﺎﻥ ﮐﻮﺋﯽ ﻓﺎﺻﻠﮧ ﻧﮩﯿﮟ ﺗﮭﺎ، ﺟﯿﺴﮯ ﻭﮦ ﺍُﺩﮬﺮ ﻣﺮﺍ ﺍﻭﺭ ﺍِﺩﮬﺮ ﺩﻓﻨﺎﺩﯾﺎ ﮔﯿﺎ۔ ﺍﻭﺭ ﮐﮭﭧ ﮐﮭﭧ ﮐﮯ ﺳﺎﺗﮫ ﺍﻥ ﺍﻟﻔﺎﻅ ﮐﯽ ﮨﻢ ﺁﮨﻨﮕﯽ ﮐﭽﮫ ﺍﺱ ﻗﺪﺭ ﺟﺬﺑﺎﺕ ﺳﮯ ﻋﺎﺭﯼ ﺗﮭﯽ ﮐﮧ ﻣﺠﮭﮯ ﺍﭘﻨﮯ ﺩﻣﺎﻍ ﺳﮯ ﺍﻥ ﺩﻭﻧﻮﮞ ﮐﻮ ﺟﺪﺍ ﮐﺮﻧﺎ ﭘﮍﺍ۔ ﭼﻨﺎﻧﭽﮧ ﻣﯿﮟ ﻧﮯ ﺍﭘﻨﮯ ﮨﻢ ﺳﻔﺮ ﺳﮯ ﮐﮩﺎ۔
’’ ﺁﭖ ﮐﭽﮫ ﺍﻭﺭ ﺑﮭﯽ ﺳﻨﺎﻧﮯ ﻭﺍﻟﮯ ﺗﮭﮯ؟ ‘‘
ﭼﻮﻧﮏ ﮐﺮ ﺍﺱ ﻧﮯ ﻣﯿﺮﯼ ﻃﺮﻑ ﺩﯾﮑﮭﺎ۔
’’ ﺟﯽ ﮨﺎﮞ۔ ﺍﺱ ﺩﺍﺳﺘﺎﻥ ﮐﺎ ﺍﯾﮏ ﺍﻓﺴﻮﺳﻨﺎﮎ ﺣﺼﮧ ﺑﺎﻗﯽ ﮨﮯ۔ ‘‘
ﻣﯿﮟ ﻧﮯ ﭘﻮﭼﮭﺎ۔
’’ ﮐﯿﺎ؟ ‘‘
ﺍﺱ ﻧﮯ ﮐﮩﻨﺎ ﺷﺮﻭﻉ ﮐﯿﺎ۔
’’ ﻣﯿﮟ ﺁﭖ ﺳﮯ ﻋﺮﺽ ﮐﺮ ﭼﮑﺎ ﮨﻮﮞ ﮐﮧ ﺗﮭﯿﻠﮯ ﮐﯽ ﺩﻭ ﺑﮩﻨﯿﮟ ﺗﮭﯿﮟ۔ ﺷﻤﺸﺎﺩ ﺍﻭﺭ ﺍﻟﻤﺎﺱ۔ ﺑﮩﺖ ﺧﻮﺑﺼﻮﺭﺕ ﺗﮭﯿﮟ۔ ﺷﻤﺸﺎﺩ ﻟﻤﺒﯽ ﺗﮭﯽ۔ ﭘﺘﻠﮯ ﭘﺘﻠﮯ ﻧﻘﺶ۔ ﻏﻼﻓﯽ ﺁﻧﮑﮭﯿﮟ۔ ﭨﮭﻤﺮﯼ ﺑﮩﺖ ﺧﻮﺏ ﮔﺎﺗﯽ ﺗﮭﯽ۔ ﺳﻨﺎ ﮨﮯ ﺧﺎﮞ ﺻﺎﺣﺐ ﻓﺘﺢ ﻋﻠﯽ ﺧﺎﮞ ﺳﮯ ﺗﻌﻠﯿﻢ ﻟﯿﺘﯽ ﺭﮨﯽ ﺗﮭﯽ۔ ﺩﻭﺳﺮﯼ ﺍﻟﻤﺎﺱ ﺗﮭﯽ۔ ﺍﺱ ﮐﮯ ﮔﻠﮯ ﻣﯿﮟ ﺳُﺮ ﻧﮩﯿﮟ ﺗﮭﺎ، ﻟﯿﮑﻦ ﺑﺘﺎﻭﮮ ﻣﯿﮟ ﺍﭘﻨﺎ ﺛﺎﻧﯽ ﻧﮩﯿﮟ ﺭﮐﮭﺘﯽ ﺗﮭﯽ۔ ﻣﺠﺮﺍ ﮐﺮﺗﯽ ﺗﮭﯽ ﺗﻮ ﺍﯾﺴﺎ ﻟﮕﺘﺎ ﺗﮭﺎ ﮐﮧ ﺍﺱ ﮐﺎ ﺍﻧﮓ ﺍﻧﮓ ﺑﻮﻝ ﺭﮨﺎ ﮨﮯ۔ ﮨﺮ ﺑﮭﺎﺅ ﻣﯿﮟ ﺍﯾﮏ ﮔﮭﺎﺕ ﮨﻮﺗﯽ ﺗﮭﯽ۔ ﺁﻧﮑﮭﻮﮞ ﻣﯿﮟ ﻭﮦ ﺟﺎﺩﻭ ﺗﮭﺎ ﺟﻮ ﮨﺮ ﺍﯾﮏ ﮐﮯ ﺳﺮ ﭘﺮ ﭼﮍﮪ ﮐﮯ ﺑﻮﻟﺘﺎ ﺗﮭﺎ۔ ‘‘
ﻣﯿﺮﮮ ﮨﻢ ﺳﻔﺮ ﻧﮯ ﺗﻌﺮﯾﻒ ﻭ ﺗﻮﺻﯿﻒ ﻣﯿﮟ ﮐﭽﮫ ﺿﺮﻭﺭﺕ ﺳﮯ ﺯﯾﺎﺩﮦ ﻭﻗﺖ ﻟﯿﺎ۔ ﻣﮕﺮ ﻣﯿﮟ ﻧﮯ ﭨﻮﮐﻨﺎ ﻣﻨﺎﺳﺐ ﻧﮧ ﺳﻤﺠﮭﺎ۔ ﺗﮭﻮﮌﯼ ﺩﯾﺮ ﮐﮯ ﺑﻌﺪ ﻭﮦ ﺧﻮﺩ ﺍﺱ ﻟﻤﺒﮯ ﭼﮑﺮ ﺳﮯ ﻧﮑﻼ ﺍﻭﺭ ﺩﺍﺳﺘﺎﻥ ﮐﮯ ﺍﻓﺴﻮﻧﺎﮎ ﺣﺼﮯ ﮐﯽ ﻃﺮﻑ ﺁﯾﺎ۔
’’ ﻗﺼﮧ ﯾﮧ ﮨﮯ ﺑﮭﺎﺋﯽ ﺟﺎﻥ ﮐﮧ ﺍﻥ ﺁﻓﺖ ﮐﯽ ﭘﺮﮐﺎﻟﮧ ﺩﻭ ﺑﮩﻨﻮﮞ ﮐﮯ ﺣﺴﻦ ﻭ ﺟﻤﺎﻝ ﮐﺎ ﺫﮐﺮ ﮐﺴﯽ ﺧﻮﺷﺎﻣﺪﯼ ﻧﮯ ﻓﻮﺟﯽ ﺍﻓﺴﺮﻭﮞ ﺳﮯ ﮐﺮﺩﯾﺎ۔ ﺑﻠﻮﮮ ﻣﯿﮟ ﺍﯾﮏ ﻣﯿﻢ۔ ﮐﯿﺎ ﻧﺎﻡ ﺗﮭﺎ ﺍﺱ ﭼﮍﯾﻞ ﮐﺎ؟۔ ﻣﺲ۔ ﻣﺲ ﺷﺮﻭﮈﻣﺎﺭﯼ ﮔﺌﯽ ﺗﮭﯽ۔ ﻃﮯ ﯾﮧ ﮨﻮﺍ ﮐﮧ ﺍﻥ ﮐﻮ ﺑﻠﻮﺍﯾﺎ ﺟﺎﺋﮯ ﺍﻭﺭ۔ ﺍﻭﺭ۔ ﺟﯽ ﺑﮭﺮ ﮐﮯ ﺍﻧﺘﻘﺎﻡ ﻟﯿﺎ ﺟﺎﺋﮯ۔ ﺁﭖ ﺳﻤﺠﮫ ﮔﺌﮯ ﻧﺎ ﺑﮭﺎﺋﯽ ﺟﺎﻥ؟ ‘‘
ﻣﯿﮟ ﻧﮯ ﮐﮩﺎ۔
’’ ﺟﯽ ﮨﺎﮞ ‘‘!
ﻣﯿﺮﮮ ﮨﻢ ﺳﻔﺮ ﻧﮯ ﺍﯾﮏ ﺁﮦ ﺑﮭﺮﯼ
’’ ﺍﯾﺴﮯ ﻧﺎﺯﮎ ﻣﻌﺎﻣﻠﻮﮞ ﻣﯿﮟ ﻃﻮﺍﺋﻔﯿﮟ ﺍﻭﺭ ﮐﺴﺒﯿﺎﮞ ﺑﮭﯽ ﺍﭘﻨﯽ ﻣﺎﺋﯿﮟ ﺑﮩﻨﯿﮟ ﮨﻮﺗﯽ ﮨﯿﮟ۔ ﻣﮕﺮ ﺑﮭﺎﺋﯽ ﺟﺎﻥ ﯾﮧ ﻣﻠﮏ ﺍﭘﻨﯽ ﻋﺰﺕ ﻭ ﻧﺎﻣﻮﺱ ﮐﻮ ﻣﯿﺮﺍ ﺧﯿﺎﻝ ﮨﮯ ﭘﮩﭽﺎﻧﺘﺎ ﮨﯽ ﻧﮩﯿﮟ۔ ﺟﺐ ﺍﻭﭘﺮ ﺳﮯ ﻋﻼﻗﮯ ﮐﮯ ﺗﮭﺎﻧﯿﺪﺍﺭ ﮐﻮ ﺁﺭﮈﺭ ﻣﻼ ﺗﻮ ﻭﮦ ﻓﻮﺭﺍً ﺗﯿﺎﺭ ﮨﻮ ﮔﯿﺎ۔ ﭼﻨﺎﻧﭽﮧ ﻭﮦ ﺧﻮﺩ ﺷﻤﺸﺎﺩ ﺍﻭﺭ ﺍﻟﻤﺎﺱ ﮐﮯ ﻣﮑﺎﻥ ﭘﺮ ﮔﯿﺎ ﺍﻭﺭ ﮐﮩﺎ ﮐﮧ ﺻﺎﺣﺐ ﻟﻮﮔﻮﮞ ﻧﮯ ﯾﺎﺩ ﮐﯿﺎ ﮨﮯ۔ ﻭﮦ ﺗﻤﮩﺎﺭﺍ ﻣﺠﺮﺍ ﺳﻨﻨﺎ ﭼﺎﮨﺘﮯ ﮨﯿﮟ۔ ﺑﮭﺎﺋﯽ ﮐﯽ ﻗﺒﺮ ﮐﯽ ﻣﭩﯽ ﺑﮭﯽ ﺍﺑﮭﯽ ﺗﮏ ﺧﺸﮏ ﻧﮩﯿﮟ ﮨﻮﺋﯽ ﺗﮭﯽ۔ ﺍﻟﻠﮧ ﮐﻮ ﭘﯿﺎﺭﺍ ﮨﻮﺋﮯ ﺍﺱ ﻏﺮﯾﺐ ﮐﻮ ﺻﺮﻑ ﺩﻭ ﺩﻥ ﮨﻮﺋﮯ ﺗﮭﮯ ﮐﮧ ﯾﮧ ﺣﺎﺿﺮﯼ ﮐﺎ ﺣﮑﻢ ﺻﺎﺩﺭ ﮨﻮﺍ ﮐﮧ ﺁﺅ ﮨﻤﺎﺭﮮ ﺣﻀﻮﺭ ﻧﺎﭼﻮ۔ ﺍﺫﯾﺖ ﮐﺎ ﺍﺱ ﺳﮯ ﺑﮍﮪ ﮐﺮﭘُﺮ ﺍﺫﯾﺖ ﻃﺮﯾﻘﮧ ﮐﯿﺎ ﮨﻮﺳﮑﺘﺎ ﮨﮯ۔ ؟۔ ﻣﺴﺘﺒﻌﺪ ﺗﻤﺴﺨﺮ ﮐﯽ ﺍﯾﺴﯽ ﻣﺜﺎﻝ ﻣﯿﺮﺍ ﺧﯿﺎﻝ ﮨﮯ ﺷﺎﯾﺪ ﮨﯽ ﮐﻮﺋﯽ ﺍﻭﺭ ﻣﻞ ﺳﮑﮯ۔ ﮐﯿﺎ ﺣﮑﻢ ﺩﯾﻨﮯ ﻭﺍﻟﻮﮞ ﮐﻮ ﺍﺗﻨﺎ ﺧﯿﺎﻝ ﺑﮭﯽ ﻧﮧ ﺁﯾﺎ ﮐﮧ ﻃﻮﺍﺋﻒ ﺑﮭﯽ ﻏﯿﺮﺕ ﻣﻨﺪ ﮨﻮﺗﯽ ﮨﮯ؟۔ ﮨﻮ ﺳﮑﺘﯽ ﮨﮯ۔ ﮐﯿﻮﮞ ﻧﮩﯿﮟ ﮨﻮﺳﮑﺘﯽ؟ ‘‘
ﺍﺱ ﻧﮯ ﺍﭘﻨﮯ ﺁﭖ ﺳﮯ ﺳﻮﺍﻝ ﮐﯿﺎ، ﻟﯿﮑﻦ ﻣﺨﺎﻃﺐ ﻭﮦ ﻣﺠﮫ ﺳﮯ ﺗﮭﺎ۔ ﻣﯿﮟ ﻧﮯ ﮐﮩﺎ۔
’’ ﮨﻮﺳﮑﺘﯽ ﮨﮯ ‘‘!
’’ ﺟﯽ ﮨﺎﮞ ‘‘
۔ ﺗﮭﯿﻼ ﺁﺧﺮ ﺍﻥ ﮐﺎ ﺑﮭﺎﺋﯽ ﺗﮭﺎ۔ ﺍﺱ ﻧﮯ ﮐﺴﯽ ﻗﻤﺎﺭ ﺧﺎﻧﮯ ﮐﯽ ﻟﮍﺍﺋﯽ ﺑﮭﮍﺍﺋﯽ ﻣﯿﮟ ﺍﭘﻨﯽ ﺟﺎﻥ ﻧﮩﯿﮟ ﺩﯼ ﺗﮭﯽ۔ ﻭﮦ ﺷﺮﺍﺏ ﭘﯽ ﮐﺮ ﺩﻧﮕﺎ ﻓﺴﺎﺩ ﮐﺮﺗﮯ ﮨﻮﺋﮯ ﮨﻼﮎ ﻧﮩﯿﮟ ﮨﻮﺍ ﺗﮭﺎ۔ ﺍﺱ ﻧﮯ ﻭﻃﻦ ﮐﯽ ﺭﺍﮦ ﻣﯿﮟ ﺑﮍﮮ ﺑﮩﺎﺩﺭﺍﻧﮧ ﻃﺮﯾﻘﮯ ﭘﺮ ﺷﮩﺎﺩﺕ ﮐﺎ ﺟﺎﻡ ﭘﯿﺎ ﺗﮭﺎ۔ ﻭﮦ ﺍﯾﮏ ﻃﻮﺍﺋﻒ ﮐﮯ ﺑﻄﻦ ﺳﮯ ﺗﮭﺎ۔ ﻟﯿﮑﻦ ﻭﮦ ﻃﻮﺍﺋﻒ ﻣﺎﮞ ﺗﮭﯽ ﺍﻭﺭ ﺷﻤﺸﺎﺩ ﺍﻭﺭ ﺍﻟﻤﺎﺱ ﺍﺳﯽ ﮐﯽ ﺑﯿﭩﯿﺎﮞ ﺗﮭﯿﮟ ﺍﻭﺭ ﯾﮧ ﺗﮭﯿﻠﮯ ﮐﯽ ﺑﮩﻨﯿﮟ ﺗﮭﯿﮟ۔ ﻃﻮﺍﺋﻔﯿﮟ ﺑﻌﺪ ﻣﯿﮟ ﺗﮭﯿﮟ۔ ﺍﻭﺭ ﻭﮦ ﺗﮭﯿﻠﮯ ﮐﯽ ﻻﺵ ﺩﯾﮑﮫ ﮐﺮ ﺑﮯ ﮨﻮﺵ ﮨﻮ ﮔﺌﯽ ﺗﮭﯿﮟ۔ ﺟﺐ ﺍﺱ ﮐﺎ ﺟﻨﺎﺯﮦ ﺍﭨﮭﺎ ﺗﮭﺎ۔ ﺗﻮ ﺍﻧﮭﻮﮞ ﻧﮯ ﺍﯾﺴﮯ ﺑﯿﻦ ﮐﯿﮯ ﺗﮭﮯ ﮐﮧ ﺳﻦ ﮐﺮ ﺁﺩﻣﯽ ﻟﮩﻮ ﺭﻭﺗﺎ ﺗﮭﺎ۔ ‘‘
ﻣﯿﮟ ﻧﮯ ﭘﻮﭼﮭﺎ۔
’’ ﻭﮦ ﮔﺌﯿﮟ؟ ‘‘
ﻣﯿﺮﮮ ﮨﻢ ﺳﻔﺮ ﻧﮯ ﺍﺱ ﮐﺎ ﺟﻮﺍﺏ ﺗﮭﻮﮌﮮ ﻭﻗﻔﮯ ﮐﮯ ﺑﻌﺪ ﺍﻓﺴﺮﺩﮔﯽ ﺳﮯ ﺩﯾﺎ۔
’’ ﺟﯽ ﮨﺎﮞ۔ ﺟﯽ ﮨﺎﮞ ﮔﺌﯿﮟ۔ ﺧﻮﺏ ﺳﺞ ﺑﻦ ﮐﺮ۔ ‘‘
ﺍﯾﮏ ﺩﻡ ﺍﺱ ﮐﯽ ﺍﻓﺴﺮﺩﮔﯽ ﺗﯿﮑﮭﺎ ﭘﻦ ﺍﺧﺘﯿﺎﺭ ﮐﺮﮔﺌﯽ۔
’’ ﺳﻮﻟﮧ ﺳﻨﮕﺎﺭ ﮐﺮﮐﮯ ﺍﭘﻨﮯ ﺑﻼﻧﮯ ﻭﺍﻟﻮﮞ ﮐﮯ ﭘﺎﺱ ﮔﺌﯿﮟ۔ ﮐﮩﺘﮯ ﮨﯿﮟ ﮐﮧ ﺧﻮﺏ ﻣﺤﻔﻞ ﺟﻤﯽ۔ ﺩﻭﻧﻮﮞ ﺑﮩﻨﻮﮞ ﻧﮯ ﺍﭘﻨﮯ ﺟﻮﮨﺮ ﺩﮐﮭﺎﺋﮯ۔ ﺯﺭﻕ ﺑﺮﻕ ﭘﺸﻮﺍﺯﻭﮞ ﻣﯿﮟ ﻣﻠﺒﻮﺱ ﻭﮦ ﮐﻮﮦ ﻗﺎﻑ ﮐﯽ ﭘﺮﯾﺎﮞ ﻣﻌﻠﻮﻡ ﮨﻮﺗﯽ ﺗﮭﯿﮟ۔ ﺷﺮﺍﺏ ﮐﮯ ﺩﻭﺭ ﭼﻠﺘﮯ ﺭﮨﮯ ﺍﻭﺭ ﻭﮦ ﻧﺎﭼﺘﯽ ﮔﺎﺗﯽ ﺭﮨﯿﮟ۔ ﯾﮧ ﺩﻭﻧﻮﮞ ﺩﻭﺭ ﭼﻠﺘﮯ ﺭﮨﮯ۔ ﺍﻭﺭ ﮐﮩﺘﮯ ﮨﯿﮟ ﮐﮧ۔ ﺭﺍﺕ ﮐﮯ ﺩﻭ ﺑﺠﮯ ﺍﯾﮏ ﺑﮍﮮ ﺍﻓﺴﺮ ﮐﮯ ﺍﺷﺎﺭﮮ ﭘﺮ ﻣﺤﻔﻞ ﺑﺮﺧﻮﺍﺳﺖ ﮨﻮﺋﯽ۔ ‘‘
ﻭﮦ ﺍﭨﮫ ﮐﮭﮍﺍ ﮨﻮ ﺍﻭﺭ ﺑﺎﮨﺮ ﺑﮭﺎﮔﺘﮯ ﮨﻮﺋﮯ ﺩﺭﺧﺘﻮﮞ ﮐﻮ ﺩﯾﮑﮭﻨﮯ ﻟﮕﺎ۔ ﭘﮩﯿﻮﮞ ﺍﻭﺭ ﭘﭩﮍﯾﻮﮞ ﮐﯽ ﺁﮨﻨﯽ ﮔﮍﮔﮍﺍﮨﭧ ﮐﯽ ﺗﺎﻝ ﭘﺮﺍﺱ ﮐﮯ ﺁﺧﺮﯼ ﺩﻭ ﻟﻔﻆ ﻧﺎﭼﻨﮯ ﻟﮕﮯ۔
’’ ﺑﺮﺧﻮﺍﺳﺖ ﮨﻮﺋﯽ۔ ﺑﺮﺧﻮﺍﺳﺖ ﮨﻮﺋﯽ۔ ‘‘
ﻣﯿﮟ ﻧﮯ ﺍﭘﻨﮯ ﺩﻣﺎﻍ ﻣﯿﮟ ﺍﻧﮭﯿﮟ، ﺁﮨﻨﯽ ﮔﮍﮔﮍﺍﮨﭧ ﺳﮯ ﻧﻮﭺ ﮐﺮ ﻋﻠﯿﺤﺪﮦ ﮐﺮﺗﮯ ﮨﻮﺋﮯ ﺍﺱ ﺳﮯ ﭘﻮﭼﮭﺎ۔
’’ ﭘﮭﺮﮐﯿﺎﮨﻮﺍ؟ ‘‘
ﺑﮭﺎﮔﺘﮯ ﮨﻮﺋﮯ ﺩﺭﺧﺘﻮﮞ ﺍﻭﺭ ﮐﮭﻤﺒﻮﮞ ﺳﮯ ﻧﻈﺮﯾﮟ ﮨﭩﺎ ﮐﺮ ﺍﺱ ﻧﮯ ﺑﮍﮮ ﻣﻀﺒﻮﻁ ﻟﮩﺠﮯ ﻣﯿﮟ ﮐﮩﺎ۔
’’ ﺍﻧﮭﻮﮞ ﻧﮯ ﺍﭘﻨﯽ ﺯﺭﻕ ﺑﺮﻕ ﭘﺸﻮﺍﺯﯾﮟ ﻧﻮﭺ ﮈﺍﻟﯿﮟ ﺍﻭﺭ ﺍﻟﻒ ﻧﻨﮕﯽ ﮨﻮ ﮔﺌﯿﮟ ﺍﻭﺭ ﮐﮩﻨﮯ ﻟﮕﯿﮟ۔ ﻟﻮ ﺩﯾﮑﮫ ﻟﻮ۔ ﮨﻢ ﺗﮭﯿﻠﮯ ﮐﯽ ﺑﮩﻨﯿﮟ ﮨﯿﮟ۔ ﺍﺱ ﺷﮩﯿﺪ ﮐﯽ ﺟﺲ ﮐﮯ ﺧﻮﺑﺼﻮﺭﺕ ﺟﺴﻢ ﮐﻮ ﺗﻢ ﻧﮯ ﺻﺮﻑ ﺍﺱ ﻟﯿﮯ ﺍﭘﻨﯽ ﮔﻮﻟﯿﻮﮞ ﺳﮯ ﭼﮭﻠﻨﯽ ﭼﮭﻠﻨﯽ ﮐﯿﺎ ﺗﮭﺎ ﮐﮧ ﺍﺱ ﻣﯿﮟ ﻭﻃﻦ ﺳﮯ ﻣﺤﺒﺖ ﮐﺮﻧﮯ ﻭﺍﻟﯽ ﺭﻭﺡ ﺗﮭﯽ۔ ﮨﻢ ﺍﺳﯽ ﮐﯽ ﺧﻮﺑﺼﻮﺭﺕ ﺑﮩﻨﯿﮟ ﮨﯿﮟ۔ ﺁﺅ، ﺍﭘﻨﯽ ﺷﮩﻮﺕ ﮐﮯ ﮔﺮﻡ ﮔﺮﻡ ﻟﻮﮨﮯ ﺳﮯ ﮨﻤﺎﺭﺍ ﺧﻮﺷﺒﻮﺅﮞ ﻣﯿﮟ ﺑﺴﺎ ﮨﻮﺍ ﺟﺴﻢ ﺩﺍﻏﺪﺍﺭ ﮐﺮﻭ۔ ﻣﮕﺮ ﺍﯾﺴﺎ ﮐﺮﻧﮯ ﺳﮯ ﭘﮩﻠﮯ ﺻﺮﻑ ﮨﻤﯿﮟ ﺍﯾﮏ ﺑﺎﺭ ﺍﭘﻨﮯ ﻣﻨﮧ ﭘﺮ ﺗﮭﻮﮎ ﻟﯿﻨﮯ ﺩﻭ۔ ‘‘
ﯾﮧ ﮐﮩﮧ ﮐﺮ ﻭﮦ ﺧﺎﻣﻮﺵ ﮨﻮ ﮔﯿﺎ۔ ﮐﭽﮫ ﺍﺱ ﻃﺮﺡ ﮐﮧ ﺍﻭﺭ ﻧﮩﯿﮟ ﺑﻮﻟﮯ ﮔﺎ۔ ﻣﯿﮟ ﻧﮯ ﻓﻮﺭﺍً ﮨﯽ ﭘﻮﭼﮭﺎ۔
’’ ﭘﮭﺮ ﮐﯿﺎ ﮨﻮﺍ؟ ‘‘
ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺁﻧﺴﻮ ﮈﺑﮉﺑﺎ ﺁﺋﮯ۔
’’ ﺍُﻥ ﮐﻮ۔ ﺍﻥ ﮐﻮ ﮔﻮﻟﯽ ﺳﮯ ﺍﮌﺍ ﺩﯾﺎ ﮔﯿﺎ۔ ‘‘
ﻣﯿﮟ ﻧﮯ ﮐﭽﮫ ﻧﮧ ﮐﮩﺎ۔ ﮔﺎﮌﯼ ﺁﮨﺴﺘﮧ ﮨﻮﮐﺮ ﺍﺳﭩﯿﺸﻦ ﭘﺮ ﺭﮐﯽ ﺗﻮ ﺍﺱ ﻧﮯ ﻗﻠﯽ ﺑﻼ ﮐﺮ ﺍﭘﻨﺎ ﺍﺳﺒﺎﺏ ﺍﭨﮭﻮﺍﯾﺎ۔ ﺟﺐ ﺟﺎﻧﮯ ﻟﮕﺎ ﺗﻮﻣﯿﮟ ﻧﮯ ﺍﺱ ﺳﮯ ﮐﮩﺎ۔
’’ ﺁﭖ ﻧﮯ ﺟﻮ ﺩﺍﺳﺘﺎﻥ ﺳﻨﺎﺋﯽ، ﺍﺱ ﮐﺎ ﺍﻧﺠﺎﻡ ﻣﺠﮭﮯ ﺁﭖ ﮐﺎ ﺧﻮﺩ ﺳﺎﺧﺘﮧ ﻣﻌﻠﻮﻡ ﮨﻮﺗﺎ ﮨﮯ۔ ‘‘
ﺍﯾﮏ ﺩﻡ ﭼﻮﻧﮏ ﮐﺮ ﺍﺱ ﻧﮯ ﻣﯿﺮﯼ ﻃﺮﻑ ﺩﯾﮑﮭﺎ۔
’’ ﯾﮧ ﺁﭖ ﻧﮯ ﮐﯿﺴﮯ ﺟﺎﻧﺎ؟ ‘‘
ﻣﯿﮟ ﻧﮯ ﮐﮩﺎ۔
’’ ﺁﭖ ﮐﮯ ﻟﮩﺠﮯ ﻣﯿﮟ ﺍﯾﮏ ﻧﺎﻗﺎﺑﻞ ﺑﯿﺎﻥ ﮐﺮﺏ ﺗﮭﺎ۔ ‘‘
ﻣﯿﺮﮮ ﮨﻢ ﺳﻔﺮ ﻧﮯ ﺍﭘﻨﮯ ﺣﻠﻖ ﮐﯽ ﺗﻠﺨﯽ ﺗﮭﻮﮎ ﮐﮯ ﺳﺎﺗﮫ ﻧﮕﻠﺘﮯ ﮨﻮﺋﮯ ﮐﮩﺎ۔
’’ ﺟﯽ ﮨﺎﮞ۔ ﺍُﻥ ﺣﺮﺍﻡ۔ ‘‘
ﻭﮦ ﮔﺎﻟﯽ ﺩﯾﺘﮯ ﺩﯾﺘﮯ ﺭﮎ ﮔﯿﺎ۔ ﺍﻧﮭﻮﮞ ﻧﮯ ﺍﭘﻨﮯ ﺷﮩﯿﺪ ﺑﮭﺎﺋﯽ ﮐﮯ ﻧﺎﻡ ﭘﺮ ﺑﭩﺎ ﻟﮕﺎ ﺩﯾﺎ۔ ‘‘
ﯾﮧ ﮐﮩﮧ ﮐﺮ ﻭﮦ ﭘﻠﯿﭧ ﻓﺎﺭﻡ ﭘﺮ ﺍﺗﺮ ﮔﯿﺎ۔
12-11 ﺍﮐﺘﻮﺑﺮ 1951 ﺀ

ﺳﻌﺎﺩﺕ ﺣﺴﻦ ﻣﻨﭩﻮ

❕❕🔰❕❕

شیئر کریں

Leave a Reply

Your email address will not be published. Required fields are marked *

Top

blog lam dep | toc dep | giam can nhanh

|

toc ngan dep 2016 | duong da dep | 999+ kieu vay dep 2016

| toc dep 2016 | du lichdia diem an uong

xem hai

the best premium magento themes

dat ten cho con

áo sơ mi nữ

giảm cân nhanh

kiểu tóc đẹp

đặt tên hay cho con

xu hướng thời trangPhunuso.vn

shop giày nữ

giày lười nữgiày thể thao nữthời trang f5Responsive WordPress Themenha cap 4 nong thonmau biet thu deptoc dephouse beautifulgiay the thao nugiay luoi nutạp chí phụ nữhardware resourcesshop giày lườithời trang nam hàn quốcgiày hàn quốcgiày nam 2015shop giày onlineáo sơ mi hàn quốcshop thời trang nam nữdiễn đàn người tiêu dùngdiễn đàn thời tranggiày thể thao nữ hcmphụ kiện thời trang giá rẻ