بریکنگ نیوز

اینگرو فوڈز کی دیوسائی کے حسن پر کتاب

2B747C8C-5CCB-4337-A4D0-0553FC23270B.jpeg

*’’دیو سائی‘‘ (جنت نظیر)
تحریر: سید وقار علی* ۔ 
Twitter: @youthactivist92,
Email: Waqarshah_786@yahoo.com,
 

آج سے 14سال قبل 2004میں عارف امین پہلی دفعہ جنت پنہچے ،وہ کہتے ہیں کہ اس سے پہلے انہوں نے جنت کو صرف سن رکھا تھادیکھا نہیں تھا،وہ سطح سمندر سے 4,114میٹر(13,497)فٹ کی بلندی پر واقع ر بلتستا ن کے ضلع سکردو کی بانہوں میں سمٹے ہوئے دیو سائی صرف سیر کی غرض سے گئے تھے، لیکن ان کا دل و دماغ آج تک دیوسائی کی خوبصورتی کے سحر میں کھویا ہے ۔عارف امین دلوں کو موہ لینے والے اس دیو سائی کو اپنے ساتھ لے جانا چاہتے تھے لہذاٰ انہوں نے دیو سائی کے چاند کی چمک،سورج کی دمک، بادل کی گرج،گھٹاؤں کی برس، پھولوں کی مہک اور پرندوں کی چہک کو اپنی تصویری کتاب ’’دیو سائی کے رنگ‘‘ میں قید کر لیا ہے۔ 
دیو سائی کا کل رقبہ تین ہزار سکوائر فٹ پر مشتمل ہے ،دیو سائی کا شما سطح مرتفع پر واقع بلند ترین علاقوں میں ہوتا ہے جس کی سرحدیں قرا قرم اور کوہ ہمالیہ سے ملتی ہیں ، مقامی لوگ دیو سائی کو غبیارسہ کہتے ہیں ،یعنی موسم گرما(بہار) کی جگہ،وکی پیڈیا کے مطابق اس جگہ تک رسائی صرف سمر میں ممکن ہے اسی لئے مقامی لوگ اسے غبیارسہ کہتے ہیں ۔دیو سائی میں سردیاں طویل ہوتی ہیں اور قدرت سردیوں میں اس پورے علاقے کو برف سے ڈھانپ دیتی ہے جیسے دلہن نے دوپٹہ اوڑھ رکھا ہو اور جیسے ہی موسم بہار آتا ہے تو یہ دلہن منہ دکھائی کے لئے تیار دکھائی دیتی ہے اور سینکڑوں اقسام کے نایاب ترین لہلہاتے پھول ہر آنے والے کا پرتپاق استقبال کرتے ہیں جیسے باراتیوں کا کیا جاتا ہو ۔دیو سائی سطح سمندر سے ہزاروں میٹر بلندی پر سر سز و شاداب ہموار زمین ہے جسے دیکھ کر انسانی عقل دنگ رہ جاتی ہے ،دیو سائی میں دنیا کے نایاب ترین پھول کھلتے ہیں ،ایک تحقیق کے مطابق یہاں موسم بہار میں342مختلف اقسام کے پھول کھلتے ہیں۔ دیو سائی جنگلی حیاتات سے بھی مالا مال ہے اور یہ ان علاقوں میں سے ہے جہاں دنیا کا نایاب ترین براؤن ریچھ اپنی بقاء میں کامیاب رہا ۔دیو سائی میں ایک خو بصورت ترین جھیل ،شاؤ سر جھیل بھی ہے جہاں ضلع سکردو اور استور دونوں کے ذریعے رسائی ممکن ہے ۔جیسے ہی برف کی چادر ہٹا دی جاتی ہے تو دنیا بھر کے انمول پرندے یہاں اپنی نسل افزائی کے لئے آتے ہیں جن میں ایک خوبصورت ترین انمول نسل کی فاختہ جسے (Turtle Dove)کہا جاتا ہے قا بل ذکر ہے۔
دیو سائی کے رنگ کی تقریب رو نمائی اسلام آباد کے ایک مقامی ہوٹل میں اینگرو فوڈز کے تعاون سے منعقد ہوئی جہاں زندگی کے تمام شعبہ جات سے تعلق رکھنے والی بڑی بڑی نامور شخصیات نے شرکت کی،میں اس تقریب میں اپنے استاد محترم پروفیسر طاہر ملک صاحب کے ساتھ پنہچا جہاں ہماری ملاقات معروف اینکرزحامد میر اور رؤف کلاسرہ صاحبان سے ہوئی۔دیو سائی کے رنگ کی تقریب رونمائی میں عارف امین نے بتایا کہ قدرت کے اس حسن کو اس کتاب میں قید کرنے کے لئے کم و بیش بیس ہزار(20,000) تصاویر بنائی گئیں اور اس دوران ان کے قریبی ساتھی غلام رسول جو کہ ایک وائلڈ لائف فوٹو گرافر ہیں اور ان کی باقی ٹیم کن خطرات سے درپیش رہے اس کا بھی ذکر کیا۔
میں سمجھتا ہوں کہ جنت کے اس ٹکرے کو ایک تصویری کتاب میں سمو کر عارف امین ،غلام رسول ،ان کی دیگر ٹیم اور با لخصوص اینگرو فوڈز نے اپنے حصے کی شمع روشن کی ہے مگر ہمارے سرکاری متعلقہ اداروں کو بھی پاکستان کا یہ خوبصورت و روشن چہرہ دنیا کے سامنے کسی نہ کسی صورت رکھنا ہوگا ، دنیا بھر میں مہم کے ذریعے جنت کے اس ٹکڑے کی زیارت کے لئے قدرتی نظاروں کا ذوق رکھنے والوں کیلئے یہاں تک رسائی کو آسان بنانا ہوگا تاکہ اپنی آنکھوں کو دلکش و دلفریب، حسین اور دیکھنے والوں کو اپنی طرف کھینچ لینے والی جنت نظیر سے خیرہ کرنے کے خواہش مند با آسانی یہاں تک پنہچ سکیں اور پاکستان کا یہ روشن چہرہ بھی دنیا کو دکھایا جاسکے۔

شیئر کریں

Leave a Reply

Your email address will not be published. Required fields are marked *

Top

blog lam dep | toc dep | giam can nhanh

|

toc ngan dep 2016 | duong da dep | 999+ kieu vay dep 2016

| toc dep 2016 | du lichdia diem an uong

xem hai

the best premium magento themes

dat ten cho con

áo sơ mi nữ

giảm cân nhanh

kiểu tóc đẹp

đặt tên hay cho con

xu hướng thời trangPhunuso.vn

shop giày nữ

giày lười nữgiày thể thao nữthời trang f5Responsive WordPress Themenha cap 4 nong thonmau biet thu deptoc dephouse beautifulgiay the thao nugiay luoi nutạp chí phụ nữhardware resourcesshop giày lườithời trang nam hàn quốcgiày hàn quốcgiày nam 2015shop giày onlineáo sơ mi hàn quốcshop thời trang nam nữdiễn đàn người tiêu dùngdiễn đàn thời tranggiày thể thao nữ hcmphụ kiện thời trang giá rẻ