بریکنگ نیوز

لاہور ہائیکورٹ کا شہبازشریف کی ضمانت کی درخواستوں پر روزانہ سماعت کا فیصلہ

download-6.jpg

لاہور: ہائیکورٹ نے شہبازشریف کی ضمانت کی درخواستوں پر روزانہ کی بنیاد پر سماعت کا فیصلہ کیا ہے۔

لاہور ہائیکورٹ کے دو رکنی بینچ نے مسلم لیگ (ن) کے صدر شہبازشریف کی جانب سے دائر درخواستِ ضمانت پر سماعت کی۔

شہبازشریف کے وکیل نے عدالت میں مؤقف اپنایا کہ پیراگون ہاؤسنگ سٹی سے ان کے مؤکل کا کوئی تعلق نہیں اور اس کے باوجود انہیں اس کیس میں نامزد کیا گیا ہے۔

(ن) لیگ کے صدر کے وکیل کا مزید کہنا تھا کہ ریفرنس میں شہباز شریف کے بارے میں کوئی بیان نہیں ہے، پہلے 50 دن جسمانی ریمانڈ پر رکھا گیا، اتنے دن دہشتگردوں کو بھی نہیں رکھا جاتا، اب نیب کی جانب سے جواب داخل نہیں کرایا جا رہا ہے۔

عدالت نے شہباز شریف کی درخواست ضمانت پر جواب پیش نہ کرنے پرنیب کے وکیل پر ناراضگی کا اظہار کیا۔

جسٹس ملک شہزاد نے ریمارکس دیے الزام ہے کہ پیراگون کمپنی کو فائدہ دینے کے لیے کنٹریکٹ کینسل کیا گیا، اس پر شہبازشریف کے وکیل نے کہا کہ یہ صرف الزام ہے ایسا کچھ نہیں،کوئی غیرقانونی کام نہیں کیا گیا، 10 جنوری کو کیس کی انکوائری شروع ہوئی اور 22 جنوری کو شہباز شریف کو طلب کیا گیا، 7 مئی کو تفتیشی رپورٹ میں شہباز شریف کا کوئی ذکر نہیں کیا گیا کہ وہ ملوث ہیں۔

دورانِ سماعت نیب کے وکیل نے جواب داخل کرنے کے لیے مہلت مانگی اور کیس کو ایک ہفتے کے لیے ملتوی کرنے کی استدعا کی جسے بینچ نے مسترد کردیا اور شہباز شریف کی درخواست ضمانتوں پر روزانہ کی بنیاد پر سماعت کا فیصلہ کیا۔

معزز جج نے نیب کے وکیل سے مکالمہ کیا کہ آپ نے ریفرنس دائر کردیا ہے، اب آپ کے کمنٹس کی ضرورت نہیں جب کہ شہبازشریف کے وکیل سے استفسار کیا کہ آپ یہ بتائیں آپ کا پیرا گون سے کیا تعلق ہے؟ اس پر انہوں نے کہا کہ شہباز شریف کا پیرا گون سے کوئی تعلق نہیں، ان پر نیب نے تو متعدد الزامات لگائے ہیں۔

جسٹس ملک شہزاد نے ریمارکس دیے کہ 7 ماہ گزر چکے ہیں، مزید تاخیر نہیں ہونے دیں گے۔

عدالت نے شہباز شریف کے وکیل کو دلائل جاری رکھنے کی ہدایت کی۔

عدالت نے درخواست ضمانتوں پر سماعت 6 فروری تک ملتوی کردی اور اسپیشل پراسیکیوٹر نیب اکرم قریشی کو ہر صورت جواب جمع کروانے کا حکم دیا ہے۔

شیئر کریں

Leave a Reply

Your email address will not be published. Required fields are marked *

Top

blog lam dep | toc dep | giam can nhanh

|

toc ngan dep 2016 | duong da dep | 999+ kieu vay dep 2016

| toc dep 2016 | du lichdia diem an uong

xem hai

the best premium magento themes

dat ten cho con

áo sơ mi nữ

giảm cân nhanh

kiểu tóc đẹp

đặt tên hay cho con

xu hướng thời trangPhunuso.vn

shop giày nữ

giày lười nữgiày thể thao nữthời trang f5Responsive WordPress Themenha cap 4 nong thonmau biet thu deptoc dephouse beautifulgiay the thao nugiay luoi nutạp chí phụ nữhardware resourcesshop giày lườithời trang nam hàn quốcgiày hàn quốcgiày nam 2015shop giày onlineáo sơ mi hàn quốcshop thời trang nam nữdiễn đàn người tiêu dùngdiễn đàn thời tranggiày thể thao nữ hcmphụ kiện thời trang giá rẻ